စစ်ကိုင်းတိုင်း၊ မြင်းမူမြို့တွင် ကင်းစောင့်နေသော စစ်ကောင်စီလက်အောက်ခံ ရဲတပ်ဖွဲ့ဝင်များအား ဒေသခံပြည်သူ့ကာကွယ်ရေးအဖွဲ့ငါးဖွဲ့က လက်နက်ကြီးဖြင့်တိုက်ခိုက်ရာ ရဲ နှစ်ဦးသေဆုံးပြီး သုံးဦးထိခိုက်ဒဏ်ရာ ရရှိသွားကြောင်း မြင်းမူ PDFက သတင်းထုတ်ပြန်သည်။
ယနေ့( နိုဝင်ဘာလ ၂ ရက်) မွန်းတည့် ၁၂ နာရီဝန်းကျင်က မြင်းမူမြို့၊ ကန်ဖျားဇရပ်တွင် ကင်းစောင့်နေသော စစ်ကောင်စီလက်အောက်ခံ ရဲတပ်ဖွဲ့ဝင်များအား လက်နက်ကြီးဖြင့် ပစ်ခတ်တိုက်ခိုက်ခဲ့ရာ ရဲ နှစ်ဦးသေဆုံးပြီး သုံးဦး အပြင်းအထန် ဒဏ်ရာရရှိသွားကြောင်း၊ ယခုစစ်ဆင်ရေးတွင်People’s Defence Force Myinmu(MMUPDF) မှ ဦးဆောင်၍ မဟာမိတ်ညီနောင်များဖြစ်ကြသော Black Eagle Defence Force(MMU)၊ မြင်းမူလျပ်စီးပြောက်ကြားတပ်ဖွဲ့၊ Falcon Force၊ Myin Mu Defence Force တို့ ပူးပေါင်းတိုက်ခိုက်ခဲ့ကြခြင်းဖြစ်ပြီး PDF အဖွဲ့ဝင် ရဲဘော်များထိခိုက်အကျအရှုံးမရှိပဲ အောင်မြင်စွာဆုတ်ခွာနိုင်ခဲ့ကြောင်း ၎င်းတို့ကအသိပေးသည်။
မြင်းမူမြို့တွင် အောက်တိုဘာလ ၃၁ ရက်နေ့နံနက်ပိုင်းက စစ်ကောင်စီသတင်းပေးတစ်ဦးအား မြို့မစျေးရှေ့တွင် အဖွဲ့တစ်ခုက သေနတ်ဖြင့်ပစ်သတ်ခဲ့သေးသည်။
