စစ်ကောင်စီ အရှေ့တောင်တိုင်းစစ်ဌာနချုပ်တိုင်းမှူးရဲ့ညွန်ကြားချက်နဲ့ မြဝတီမြို့မှာရှိတဲ့ ကျောင်းသားများဒီမိုကရက်တစ်တပ်ဦး ABSDF ဆက်ဆံရေးရုံးကို ရှာဖွေစစ်ဆေးဖမ်းဆီးခဲ့တယ်လို့ သတင်းရရှိပါတယ်။
နိုဝင်ဘာ ၂ ရက် ညနေ ၅ နာရီအချိန်က ကရင်ပြည်နယ် မြဝတီမြို့မှာရှိတဲ့ ABSDF ဆက်ဆံရေးရုံးကို စစ်တပ်နဲ ရဲတွေရောက်လာပြီး မေးမြန်းစရာရှိလို့ဆိုကာ ရုံးတာဝန်ခံအပါအဝင် အဖွဲ့ဝင် ၄ ဦးကို ဖမ်းဆီးခေါ်ဆောင်သွားခဲ့တယ်လို့ စစ်ကောင်စီနဲ့နီးစပ်သူတစ်ဦးက ပြောပါတယ်။
ဒီလို လာရောက်ဖမ်းဆီးခေါ်ဆောင်တာဟာ ရတခတိုင်းစစ်ဌာချုပ်တိုင်းမှူး ဗိုလ်ချုပ်ကိုကိုမောင်ရဲ့ ညွန်ကြားချက်အရဖြစ်တယ်လို့ လာရောက်ဖမ်းဆီးရာမှာ ဦးဆောင်သူဖြစ်တဲ့ တာဝန်ခံတပ်မှူးကပြောကြားခဲ့ကြောင်း အဲဒီ စစ်ကောင်စီနဲ့နီးစပ်တဲ့ရင်းမြစ်က ဆိုပါတယ်။
ဖမ်းဆီးထားတဲ့ ABSDF မြဝတီဆက်ဆံရေးရုံးအဖွဲ့က လေးဦးကိုတော့ မြဝတီမြို့က စစ်တပ်စစ်ဗျူဟာရုံးမှာ ထိန်းသိမ်းဆောင်ရွက်ထားတယ်လို့ သိရပါတယ်။
Public Service Announcement
ABSDF ကျောင်းသားများဒီမိုကရက်တစ်တပ်ဦးဟာ တစ်နိုင်င်လုံးပစ်ခတ်တိုက်ခတ်မှုရပ်စဲရေး သဘောတူစာချုပ် NCA လက်မှတ်ရေးထိုးထားတဲ့ လက်နက်ကိုင်အဖွဲ့အစည်းတစ်ခုလည်း ဖြစ်ပါတယ်။
