အကြမ်းဖက်စစ်ကောင်စီ၏ လက်နက်ကြီးအများ အပြားပစ်ခတ်သောကြောင့်ဖယ်ခုံမြို့နယ်ရှိခေါင်းအိကျေးရွာနှင့် စက်တော်ကျေးရွာတို့ရှိ လူနေအိမ်(၆)လုံးခန့်ပျက်စီးခဲ့ကြောင်းPDF (ဖယ်ခုံ)က ယနေ့ ထုတ်ပြန် သည်။
နိုဝင်ဘာ ၅ ရက် နံနက် ၈ နာရီ အချိန် မှညနေ ၂နာရီ အချိန်ထိ အကြမ်းဖက်စစ်ကောင်စီ နှင့် ပြည်သူ့ကာကွယ်ရေးတပ်များတိုက်ပွဲပြင်းထန်ခဲ့သည်။တိုက်ပွဲအတွင်း ပူးပေါင်းတပ်ဖွဲ့ဘက်က တစ်ဦးထိခိုက်ဒဏ်ရာရခဲ့ပြီးစစ်ကောင်စီ ၏ထိခိုက် ကျဆုံးမှုကိုအတည်မပြုနိုင်သေးကြောင်း PDF (ဖယ်ခုံ)၏ထုတ်ပြန်ချက်တွင်ဖော်ပြသည်။
အကြမ်းဖက်စစ်ကောင်စီသည် အပြစ်မဲ့ပြည်သူများ၏စစ်ရှောင်စခန်းကိုပါ လက်နက်ကြီးဖြင့်ပစ်ခတ်ခဲ့၍အမျိုးသမီးတစ်ဦးလည်းထိမှန်ဒဏ်ရာရခဲ့ကြောင်းလည်းပါရှိသည်။
လက်ရှိတွင် အကြမ်းဖက်စစ်ကောင်စီတပ်များသည် စက်တော်ကျေးရွာ အရှေ့ဘက်တောင်ကြောတွင်တပ်စွဲထားသည်ဟုဆိုသည်။
Public Service Announcement
ဖယ်ခုံမြို့နယ်တွင် ဒေသခံပြည်သူ့ကာကွယ်ရေးတပ်များနှင့် အကြမ်းဖက်စစ်ကောင်စီတို့ကြား နိုဝင်ဘာ ၂ရက်ကစ၍ယနေ့အထိ့ တိုက်ပွဲများပြင်းထန်စွာဖြစ်ပွားနေပြီး အကြမ်းဖက်စစ်ကောင်စီတပ်သား ၃၀ ထက်မနည်းသေဆုံးကြောင်းထုတ်ပြန်ထားသည်။
စစ်ကောင်စီတပ်၏ ဖယ်ခုံမြို့အတွင်း ထိုးစစ်ကိုဒေသခံကာကွယ်ရေးတပ်ဖွဲ့များဖြစ်သည် လွိုင်ကော် PDF ၊ဖယ်ခုံ PDF ၊KA ၊ဒီးမော့ဆို PDF ၊အလယ်ပိုင်းတိုင်း PDF ၊ KGZ ၊KNDF စသည့်တို့က ပူးပေါင်း၍ခုခံစစ်ဆင်နွှဲနေခြင်းဖြစ်သည်။
ထို့အပြင် ပြည်သူလူထု၏ အသက်အိုးအိမ်စည်းစိမ် ကြောင့် ဖယ်ခုံမြို့တွင်း တိုက်ပွဲကို လတ်တလောဆင်နွှဲမည်မဟုတ်ကြောင်းလည်းPDF (ဖယ်ခုံ)က ယနေ့ ကြေညာထားသည်။
