အကြမ်းဖက်စစ်ကောင်စီစခန်းချရာအနီး နယ်မြေ ရှင်းလင်းစဥ် ပြည်သူနှစ်ဦး၏ ရုပ်အလောင်းတွေ့ရှိကြောင်း KNDF ဒီးမော့ဆိုဇုန်က ထုတ်ပြန်သည်။
နိုဝင်ဘာ ၆ ရက်က စစ်ကောင်စီစခန်းချရာနေရာအနီး၌ မြေမြုပ်ထားသော ရုပ်အလောင်းနှစ်လောင်းကို တွေ့ရှိပြီး ထိုရုပ်အလောင်းများမှာ ညှင်းပန်းနှိပ်စက်မှုဒဏ်ခံခဲ့ရသည်ဟု KNDFက ဆိုသည်။
ရုပ်အလောင်းများ၏ လည်ပင်းတွင် ကြိုးကွင်းစွတ်ထားပြီး နှစ်ဦးစလုံးကို ကွေးလျှက် အနေအထားဖြင့် အတူ မြေမြုပ်ထားသည်ကိုလည်း တွေ့ရှိရသည်ဟု ဆိုသည်။
အဆိုပါ ရုပ်အလောင်းများကို KNDF ဒီးမော့ဆိုဇုန်က ပြန်လည်တူးဖော်ပြီး ကောင်းမွန်စွာသဂြိုလ် ပေးခဲ့ပြီး ဖြစ်ကြာင်း သိရသည်။
Public Service Announcement
အကြမ်းဖက်စစ်ခေါင်းဆောင် အာဏာသိမ်းချိန်မှစ၍ နိုဝင်ဘာ ၂ ရက်အထိ စစ်တပ်၏ ဖမ်းဆီးသတ်ဖြတ်မှုကြောင့် ကယားပြည်နယ်တွင် သက်သေအထောက် အထားခိုင်လုံသော အရပ်သားများသေဆုံးမှု အရေအတွက်မှာ ၉၉ ဦးအထိ ရှိနေသည်။
ထို့အပြင် ကယားပြည်နယ်အတွင်း ပြည်သူလူထု၏ အိုးအိမ်စည်းစိမ် ဖျက်ဆီးခံရမှုမှာ နေအိမ်၃၇၆ လုံးရှိခဲ့ကြောင်း တိုးတက်သော ကရင်နီပြည်သူ့အင်အားစု PKPFက ဆိုသည်။
ဓာတ်ပုံ – KNDF
