မရမ်းကုန်းမြို့နယ် သမိုင်း(၁)ရပ်ကွက် အုပ်ချုပ်ရေးမှူးရုံးကို လက်နက်ကိုင်အဖွဲ့တစ်ဖွဲ့က ဝင်ရောက်ပစ်ခတ်တာကြောင့် နှစ်ဦးသေဆုံးခဲ့တယ်လို့ သတင်းရရှိပါတယ်။
ဒီကနေ့(နိုဝင်ဘာ ၇)နေ့လည် ၁ နာရီလောက်က ပစ်ခတ်မှုဖြစ်ပွားခဲ့တာဖြစ်ပြီး အမည်မသိအမျိုးသားသုံးဦးက ရုံးအတွင်းဝင်ရောက်ပစ်ခတ်ခဲ့တာလို့ ဒေသခံတစ်ဦးက ပြောပါတယ်။
ပစ်ခတ်မှုကြောင့် အဆိုပါရုံးအတွင်းရှိသည့် ဦးကျော်စိုးဝင်းနဲ့ အောင်ပြည့်စုံထွန်းဆိုသူနှစ်ဦးသေဆုံးပြီး အာကာနဲ့ ဝင်းဗိုလ်ဆိုသူနှစ်ဦးဒဏ်ရာရရှိခဲ့ရာမှာ ဝင်းဗိုလ်ဆိုသူမှာ စိုးရိမ်ရတဲ့အခြေအနေဖြစ်တယ်လို့ သိရပါတယ်။
၎င်းတို့မှာ ရပ်ကွက်အုပ်ချုပ်ရေးအဖွဲ့ဝင်များဟုတ်၊မဟုတ်ကို မသိရသေးပေ။
ဒီကနေ့(နိုဝင်ဘာ ၇)နေ့လယ် ၁၂ နာရီဝန်းကျင်ကလည်း ရန်ကုန်မြို့ ဒဂုံမြို့သစ်တောင်ပိုင်းမြို့နယ်ထဲမှာ အပြန်အလှန်ပစ်ခတ်မှုတွေ ဖြစ်ပွားခဲ့ပါသေးတယ်။