ထန်တလန်အတွက် ကျား​ပေါက်အနုပညာလက်ရာအိတ်များ​ရောင်းချ​ငွေ ကန်​ဒေါ်လာ နှစ်​သောင်း​ကျော်ရ

စစ်ကောင်စီတပ် မီးရှို့ဖျက်ဆီးခဲ့သည့် ထန်တလန်မြို့ ရန်ပုံငွေအတွက်ရောင်းချ​သော အဆို​တော်ကျားပေါက်၏ Doodle Art Hand Drawing Bag ကိုးလုံးကို ကန်ဒေါ်လာ နှစ်သောင်းကျော်​ရောင်းချရရှိခဲ့သည်။

“Result ထွက်ပါပြီ။ Congratulations to all new owners of my artwork and highly appreciate your positive input ထန်တလန်အတွက် ဝမ်းအသာဆုံး။ “ဟု ကျားပေါက်ကရေးသားထားသည်။

ကျားပေါက်ကိုယ်တိုင်ရေးဆွဲထားသည့် Doodle Art Hand Drawing အိတ်များကို ပန်ဆယ်လို၏ ဖေ့စ်ဘွတ်ခ်၌ နိုဝင်ဘာ ၈ ရက်က အိတ်ပိတ်လေလံ စနစ်ဖြင့်ရောင်းချပေးခဲ့ခြင်းဖြစ်ပြီး ယနေ့ညတွင် ဈေးအမြင့်ဆုံးပေးသူများကို ကြေညာပေးခဲ့ခြင်းဖြစ်သည်။

အိတ်များကို ဒေါ်လာ ၅၀၀ ဖြင့် ကြမ်းခင်းဈေးဖွင့်ခဲ့ခြင်းဖြစ်ပြီး ဒေါ်လာ တစ်ထောင်မှ သုံးထောင်ကျော်အထိ ဈေးအမျိုးမျိုးရရှိခဲ့သည်။

Public Service Announcement

အိတ်ဝယ်ယူသူများ၏ လုံခြုံရေးအရ နာမည်များကို မကြေညာခဲ့ဘဲ ဝယ်ယူသူများထံ အတည်ပြုပြီးသွားပြီဖြစ်ကြောင်းကြေညာထားသည်။

အဆိုပါရောင်းရငွေများအားလုံးကို ထန်တလန်မှ ပြည်သူများအတွက် လှူဒါန်းမည်ဖြစ်ကြောင်း ယမန်နေ့ကကြေညာထားသည်။