Connect with us

Hi, what are you looking for?

LuduNwayOo

News

ပန်းဖာဒေသတိုက်ပွဲ စစ်ကောင်စီတပ်မှ တစ်ဦးသေ၊ ​လေးဦးဒဏ်ရာရဟု MNDAA ထုတ်ပြန်

စစ်ကောင်စီသည် လုံခမ်း ၊ ဟေးရှန် ၊ မုံးကိုးဗျူဟာ နှင့် ဖောင်းဆိုင်ဒေသ ရှိ လက်နက်ကြီးစခန်းမှ MNDAAရှိရာ ရှိကျိကျတောင်တန်းနှင့် မန်ရန်တပ်စခန်းသို့ လက်နက်များဖြင့် ပစ်ခတ်တိုက်ခိုက်ခဲ့ကြောင်းလည်း ဖော်ပြထားသည်။

ရှမ်းပြည်နယ်မြောက်ပိုင်း သိန္နှီမြို့နယ် ပန်းဖာဒေသ တိုက်ပွဲတွင် စစ်ကောင်စီတပ်မှ တစ်ဦးသေဆုံးပြီး ​လေးဦးဒဏ်ရာရရှိခဲ့ကြောင်း ကိုးကန့်လက်နက်ကိုင်အဖွဲ့ (MNDAA)က ထုတ်ပြန်သည်။

MNDAAနှင့် စစ်ကောင်စီတပ်တို့ နိုဝင်ဘာ ၈ရက်က နေရာအများအပြား၌ တိုက်ပွဲဖြစ်ပွားခဲ့ကြောင်း MNDAAက ယနေ့(နိုဝင်ဘာ၁၀)ထုတ်ပြန်ရာ သိန္နီဒေသ အခြေအနေကို ဖော်ပြခဲ့သည်။

Public Service Announcement

Public Service Announcement

ထို့အပြင် သိန္နီဒေသ မိုင်းတင်တွင်လည်း စစ်ကောင်စီတပ်ကို ကြားဖြတ်တိုက်ခိုက်ခဲ့ကြောင်း၊ နိုဝင်ဘာ ၈ရက် နံနက်ပိုင်းက စစ်ကောင်စီတပ်သည် မုံးကိုးခရိုင် ပန်ရင်လပဒေသရှိ MNDAA၏ တပ်စခန်းကို ထိုးစစ်ဆင် တိုက်ခိုက်လာရာ ညနေပိုင်းအထိ တိုက်ပွဲဖြစ်ခဲ့ကြောင်း ထုတ်ပြန်သည်။ အဆိုပါဒေသ၌ လက်ရှိအချိန်ထိ စစ်ရေးတင်းမာနေဆဲဖြစ်ကြောင်း ဖော်ပြသည်။

နိုဝင်ဘာ ၈ရက်နေ့လည်ပိုင်းတွင် မုံးကိုးခရိုင် ကွမ်သာရွာနှင့် ကွမ်လုံရွာ ၌ လှုပ်ရှားနေသောစစ်ကောင်စီသည် ကွမ်လုံရွာ အနောက်ဘက်ခြမ်းရှိ ကိုးကန့် MNDAA၏တပ်စခန်းကို ထိုးစစ်ဆင်တိုက်ခိုက်လာရာ မွန်းလွဲပိုင်းတွင် စစ်ကောင်စီတပ် ပြန်လည်ဆုတ်ခွာသွားကြောင်းထုတ်ပြန်သည်။

စစ်ကောင်စီသည် လုံခမ်း ၊ ဟေးရှန် ၊ မုံးကိုးဗျူဟာ နှင့် ဖောင်းဆိုင်ဒေသ ရှိ လက်နက်ကြီးစခန်းမှ MNDAAရှိရာ ရှိကျိကျတောင်တန်းနှင့် မန်ရန်တပ်စခန်းသို့ လက်နက်များဖြင့် ပစ်ခတ်တိုက်ခိုက်ခဲ့ကြောင်းလည်း ဖော်ပြထားသည်။

ထို့အပြင် အာဏာသိမ်းစစ်ကောင်စီတပ်သည် နိုဝင်ဘာ ၇ရက်က တောင်ယာလုပ်ငန်းမှ ပြန်လာသည့် မုံးကိုးဒေသခံတစ်ဦးကို သတ်ဖြတ်ခဲ့ကြောင်း MNDAAက ထုတ်ပြန်သည်။

Public Service Announcement

Public Service Announcement

စစ်ကောင်စီသည် တိုင်းရင်းသားများနေထိုင်ရာဒေသသို့ တိုက်ပွဲများ ဖော်ဆောင်နေချိန်တွင် လူ့အခွင်အရေးများချိုးဖောက်ခြင်း ၊ ပြည်သူလူထုကိုသတ် ဖြတ်ခြင်း ပြစ်မှုများ ကျူးလွန်နေ၍ ဒေသခံတို့၏ လူ့အခွင့်အရေး နှင့် အသက်အိုးအိမ်စည်းစိမ်များအတွက် အလွန်စိုးရိမ်ကြောင်း ဖော်ပြထားသည်။