မြန်မာ့ဒီမိုကရေစီဖွံ့ဖြိုးရေးအတွက် ဆွီဒင်ရဲ့အကူအညီတွေကိုအသုံးပြုနိုင်ဖို့ NUG ဆွေးနွေး

ဆွီဒင်အစိုးရရဲ့ ဖွံ့ဖြိုးရေးအကူအညီတွေကို မြန်မာ့ဒီမိုကရေစီဖွံ့ဖြိုးရေးအတွက် အသုံးပြုနိုင်ဖို့ ဆွေးနွေးခဲ့တယ်လို့ NUG လူ့အခွင့်အရေးဝန်ကြီး ဦးအောင်မျိုးမင်းက ပြောပါတယ်။

အမျိုးသားညီညွတ်ရေးအစိုးရ NUG ရဲ့ လူ့အခွင့်အရေးဝန်ကြီးနဲ့ ဖက်ဒရယ်ပြည်ထောင်စုရေးရာ ဝန်ကြီးဦးဆောင်တဲ့မြန်မာကိုယ်စားလှယ်အဖွဲ့ဟာ ဆွီဒင်နိုင်ငံ၊ စတော့ဟုမ်းမြို့ကိုရောက်ရှိနေပြီး NUG ကို တရားဝင်အစိုးရအဖြစ်အသိအမှတ်ပြုရေး၊ မြန်မာနိုင်ငံရဲ့ပကတိအခြေအနေတွေကို ဆွီဒင်အစိုးရတာဝန်ရှိသူတွေ၊ လွှတ်တော်အမတ်တွေနဲ့တွေ့ဆုံဆွေးနွေးနေတာဖြစ်ပါတယ်။

“NUGအစိုးရဲ့ လူသားချင်းစာနာမှုအကူအညီဆိုင်ရာ​ပေါ်လစီနဲ့ ဂျင်ဒါ​ပေါ်လစီအ​​​​ကြောင်းကို စိတ်ဝင်စားကြပါတယ်။ NUG ကို တရားဝင်အသိအမှတ်ပြုဖို့ ဆက်လက်ကြိုးပမ်းသွားကြမှာပါ” ဝန်ကြီးဦးအောင်မျိုးမင်းက ဖေ့စ်ဘုတ်ကနေ အသိပေးပါတယ်။

ဝန်ကြီးဦးအောင်မျိုးမင်းနဲ့ ဝန်ကြီးဒေါက်တာလျန်မှုန်းဆာခေါင်းတို့ဦးဆောင်တဲ့ ကိုယ်စားလှယ်အဖွဲ့ဟာ ဆွီဒင်လွှတ်​တော် နိုင်ငံခြားရေးရာ​ကော်မတီဝင်များနဲ့​တွေ့ဆုံပြီး ​ဖမ်းဆီးခံ လွှတ်​တော်ကိုယ်စားလှယ်​တွေအ​ခြေအ​နေ၊ ဖျက်ဆီးခံရတဲ့ ပါတီရုံးအ​ခြေအ​နေ​တွေအပါအဝင် လက်ရှိအ​ခြေအ​နေ​တွေကို တင်ပြ​ဆွေး​နွေးခဲ့တယ်လို့ဆိုပါတယ်။

Public Service Announcement

ဒါ့အပြင် NUG ကိုယ်စားလှယ်အဖွဲ့ဟာ ဆွီဒင်အစိုးရ ဖွံ့ဖြိုးတိုးတက်​ရေးဝန်ကြီးဌာန ဒုဝန်ကြီးနဲ့ ​တွေ့ဆုံပြီး ဖွံ့ဖြိုး​ရေးအကူအညီ​တွေကို ဒီမိုက​ရေစီဖွံ့ဖြိုး​ရေးအတွက် အသုံးပြုနိုင်ဖို့ ​ဆွေးနွေးခဲ့ တယ်လို့ ဝန်ကြီးဦးအောင်မျိုးမင်းက အသိပေးထားပါတယ်။