CDM ဆရာ၊ ဆရာမတွေကို ခြိမ်းခြောက်တဲ့စာ မန္တလေးမှာ ဆုတ်ဖြဲခံရ ပြီးနောက် ရွာသားတွေကို စစ်ကောင်စီလိုက်လံဖမ်းဆီးနေ

အာဏာဖီဆန်ရေး CDM ပြုလုပ်ထားတဲ့ ဆရာ၊ဆရာမတွေ ကျောင်းပြန်တက်ဖို့ မန္တလေး ၊အမရပူရမြို့နယ် ၊လိပ်ဆံခွန်ကျေးရွာ အုပ်ချုပ်ရေးမှူးရုံးရဲ့ကြော်ငြာသင်ပုန်းမှာ ခြိမ်းခြောက်စာ ကပ်ထားတယ်လို့သိရပါတယ်။

အဲဒီခြိမ်းခြောက်စာမှာဆို “CDM ဆရာ၊ ဆရာမများ အလုပ်ဝင်မှာလား၊ အသတ်ခံမှာလား ၂ ရက်အချိန်ပေးမယ်” ဆိုတဲ့စာသားတွေပါဝင်တာကိုတွေ့ရပါတယ်။

ဒါအပြင် CDM လုပ်ထားတဲ့ ဆရာ၊ဆရာမ ၁၁ ဦးရဲ့ နာမည်တွေကိုလည်းဖော်ပြထားပါသေးတယ်။

ဒီခြိမ်းခြောက်စာဟာ ဆုတ်ဖြဲခံလိုက်ရတယ်လို့လည်းသိရပါတယ်။ ဒါအပြင် ဒီခြိမ်းခြောက်စာဟာ ပျုစောထီးတွေကပ်ထားတာလို့ဒေသခံတွေကပြောကြပါတယ်။

Public Service Announcement

ခြိမ်းခြောက်စာ ဆုတ်ဖြဲခံရပြီးနောက် ရွာသားတွေကိုစစ်ကောင်စီတပ်ဖွဲ့ဝင်တွေ ဟာ ဒီနေ့မနက်ပိုင်းမှာတင် လိုက်လံဖမ်းဆီးတာတွေလုပ်နေတယ်လို့သိရပါတယ်။

ဒါကြောင့် CDM လုပ်ထားတဲ့ ဆရာ၊ဆရာမတွေရဲ့ဆွေမျိုးတွေ အပါအဝင် တက်ကြွလှုပ်ရှားသူတွေ ၊ပရဟိတသမားတွေဟာ တိမ်းရှောင်နေရတယ်လို့သိရပါတယ်။

လိပ်ဆံခွန်းရွာဟာ မန္တလေးမြို့နဲ့ ၁၄မိုင်လောက်ဝေးပြီး အိမ်ထောင်စု ၃ထောင်နီးပါးရှိတယ်လို့သိရပါတယ်။