ရန်ကုန်မြို့ရှိ မြို့နယ်ကိုးခု ရေအားလျော့နည်း ပြတ်တောက်မှုများဖြစ်ပေါ်မည်ဟု မြို့တော်စည်ပင်က ထုတ်ပြန်သည်။
ငမိုးရိပ်ရေသန့်စင်စက်ရုံ (ညောင်နှစ်ပင်)၏ ရေယိုစိမ့်မှုအားပြုပြင်ရန် နိုဝင်ဘာ ၁၄ရက် နံနက် ၁၀နာရီ မှ နိုဝင်ဘာ ၁၆ရက် မွန်းလွဲ ၂နာရီ အထိ ခန့်မှန်းကြာချိန် နာရီ ၄၀ ခန့် ပြုပြင်ဆောင်ရွက်ရမည်ဖြစ်ကြောင်း သိရသည်။
ထိုသို့ ပြုပြင်ဆောင်ရွက်နေစဥ်အတွင်း အဆိုပါရေသန့်စင်စက်ရုံမှ ရေပေးဝေလျက်ရှိသော မြောက်ဥက္ကလာပမြို့နယ်၊ ရွှေပေါက္ကံမြို့နယ်၊ တောင်ဥက္ကလာပမြို့နယ်၊ သင်္ဃန်းကျွန်းမြို့နယ်၊ ဒဂုံမြို့သစ်(မြောက်ပိုင်း)မြို့နယ်၊ ဒဂုံမြို့သစ်(အရှေ့ပိုင်း)မြို့နယ်၊ ဒေါပုံမြို့နယ်၊ တာမွေ(မေတ္တာညွန့်ရပ်ကွက်)မြို့နယ်၊ မင်္ဂလာဒုံမြို့နယ် များရှိ ရပ်ကွက်များတွင် ရေအားလျော့နည်းခြင်းနှင့် ခေတ္တရေပြတ်တောက်ခြင်းများ ဖြစ်ပေါ်နိုင်သည်ဟု ဆိုသည်။
ထို့ကြောင့် ရေကြိုတင်စုဆောင်းထားရန် ရန်ကုန်မြို့တော်စည်ပင်သာယာရေးကော်မတီ အင်ဂျင်နီယာဌာန (ရေနှင့်သန့်ရှင်းမှု)မှ အသိပေးကြေညာသည်။
Public Service Announcement
