ဂျပန်အစိုးရရဲ့ မြန်မာ့ငြိမ်းချမ်းရေးအထူးကိုယ်စားလှယ်၊ နီပွန်ဖောင်ဒေးရှင်းဥက္ကဌ မစ္စတာဆာဆာကာဝါဟာ မြန်မာနိုင်ငံကိုရောက်ရှိနေပြီး မနေ့က အကြမ်းဖက်စစ်ကောင်စီခေါင်းဆောင် မင်းအောင်လှိုင်နဲ့တွေ့ဆုံခဲ့ပါတယ်။
မစ္စတာဆာဆာကာဝါခရီးစဉ်အတွင်းမှာ အရပ်ဘက်အဖွဲ့အစည်းအချို့နဲ့လည်းတွေ့ဆုံခဲ့ပြီး အမျိုးသားညီညွတ် ရေးအစိုးရ (NUG) တာဝန်ရှိသူတွေနဲ့ တွေ့ဆုံဖြစ်၊ မဖြစ်ကို မသိရသေးပါဘူး။
ဂျပန်အထူးကိုယ်စားလှယ် မစ္စတာဆာဆာကာဝါဟာ ၂၀၂၀ အထွေထွေရွေးကောက်ပွဲကို ကိုယ်တိုင်အနီးကပ်လာရောက်လေ့လာခဲ့သူဖြစ်ပြီး ရွေးကောက်ပွဲအပြီးတွင် ၂၀၂၀ ရွေးကောက်ပွဲဟာ ပြည်သူလူထုရဲ့ဆန္ဒနဲ့ကိုက်ညီတဲ့ရွေးကောက်ပွဲဖြစ်တယ်လို့ မှတ်ချက်ပြုခဲ့သူဖြစ်ပါတယ်။
ရွေးကောက်ပွဲ မဲမသမာမှုကိုအကြောင်းပြ အာဏာသိမ်းခဲ့တဲ့ အကြမ်းဖက်ခေါင်းဆောင်နဲ့တွေ့ဆုံစဉ်မှာ ရွေးကောက်ပွဲနဲ့ပတ်သက်လို့ဆွေးနွေးခဲ့တယ်လို့ စစ်တပ်ရဲ့သတင်းထုတ်ပြန်ချက်မှာ မတွေ့ရပါဘူး။
Public Service Announcement
၂၀၂၀ ရွေးကောက်ပွဲကာလနဲ့ ရွေးကောက်ပွဲအပြီးလာရောက်မြန်မာနိုင်ငံခရီးစဉ်နှစ်ကြိမ်စလုံးမှာ မစ္စတာဆာဆာကာဝါဟာ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့တွေ့ဆုံခဲ့ပြီး အခုတစ်ကြိမ်လာရောက်ရာမှာတွေ့ဆုံခွင့်မရရှိဘူးလို့ သိရပါတယ်။
ဒါ့အပြင် တရုတ်အထူးကိုယ်စားလှယ်မစ္စတာစွန်းကော်ရှန်းဟာ မြန်မာနိုင်ငံကိုလာရောက်ဖို့ရှိ နေတယ်လို့ သတင်းတွေထွက်ပေါ်နေပါတယ်။
