မိုးကုတ်မြို့ အရှေ့ပိုင်း စွန်းလွန်းရိပ်သာအနီးမှာ နေတဲ့ဗေဒင်ဆရာမိသားစု ဟာ ဒီနေ့မွန်းလွဲပိုင်းက သေနတ် နဲ့ပစ်ခတ်ခံရလို့ ၄ ဦးသေဆုံးပြီး ၁ဦးဒဏ်ရာရသွားတယ်လို့သိရပါတယ်။
နေအိမ်ထဲကိုသေနတ်နဲ့ဝင်ပစ်သွားတာလို့ ဒေသခံတွေဆီကသိရပါတယ်။
ပစ်ခတ်ခံရလို့ ဗေဒင်ဆရာလင်မယား နဲ့ လူလတ်ပိုင်းအရွယ် သားသမီး ၂ ဦးတို့ သေဆုံးခဲ့ပြီးကျန် ၁ ဦးက ခြေထောက် မှာဒဏ်ရာရသွားတာပါ။
ဒေသခံအချို့ကတော့ အသတ်ခံရတဲ့မိသားစုဟာ စစ်ကောင်စီသတင်းပေးဒလန်လို့ ပြောကြပြီး သူတို့ရဲ့သတင်းပေးမှုကြောင့် ဆန္ဒပြသူတွေ ၊CDM လုပ်သူတွေဖမ်းခံရတာမျိုး ရှိတယ်လို့ဆိုပါတယ်။
Public Service Announcement
လက်ရှိမှာတော့ မိုးကုတ်မြို့ဝင်နေရာတွေ ၊ မြို့တွင်းနေရာတွေမှာ စစ်ဆေးမှုတွေပြုလုပ်နေပါတယ်။
စစ်ကောင်စီသတင်းပေးဆိုပြီးနာမည်ထွက်ပေါ်နေတဲ့ မိသားစုဝင်လေးဦးသေဆုံးမှုဟာ ပတ္တမြားမြေ PDFဒလံရှင်းလင်းရေးအဖွဲ့ရဲ့ လက်ချက်ဖြစ်တယ်လို့ အဲဒီအဖွဲ့က ထုတ်ပြန်ထားပါတယ်။
မိုးကုတ်မှာ စစ်ကောင်စီတပ်ဖွဲ့ဝင်တွေ နဲ့ သတင်းပေးသူတွေ တိုက်ခိုက်ခံရပြီးသေဆုံးသူ ၁၅ဦးထက်မနည်းရှိနေပါတယ်။
