လာရောက်ခေါ်ဆောင်ချိန်မှာ CDM တွေကိုထောက်ပံ့တာရှိမရှိ စစ်ဆေးသွား
မန္တလေး ၊အောင်မြေသာစံမြို့နယ်အတွင်းက ရွှေမဟာနွယ် လူမှုကယ်ဆယ်ရေးအသင်းရဲ့ ဥက္ကဋ္ဌ ဒေါ်နွယ်နွယ်ဝင်းကို ဓားရှည်ကိုင်ထားတဲ့ လူတစ်စုဟာ ဒီနေ့ ညနေပိုင်း ၃ နာရီလောက်မှာ လာရောက်ဖမ်းဆီးခေါ်ဆောင်သွားတယ်လို့သိရပါတယ်။
အောင်မြေသာစံမြို့နယ် ၊ ၂၅ လမ်း မြို့ပတ်လမ်းမှာရှိတဲ့ ရွှေမဟာနွယ် လူမှုကယ်ဆယ်ရေးရုံးမှာ ဒေါ်နွယ်နွယ်ဝင်းရှိနေချိန် ဓားရှည်ကိုင်လူတွေဟာ ပါကျဲရိုးကားနဲ့ ရောက်လာပြီး လာရောက်ခေါ်ဆောင်သွားတာလို့ မျက်မြင်တွေ့ရသူတစ်ဦးကပြောပြပါတယ်။
“အရပ်ဝတ်တွေနဲ့ပဲ သေနတ်တော့မပါဘူး၊ ဓားရှည်တွေနဲ့ အသက် မသေချင် လိုက်ခဲ့ဆိုပြီးခေါ်သွားတာ၊ နောက်ပြီး စစ်ဘေးရှောင်တွေ မိဘမဲ့ကလေးတွေအတွက် လှူမယ့် အဝတ်တွေပစ္စည်းတွေလည်း မွှေနှောက်သွားတယ်၊ ရုံးထဲက စီစီတီဗီ မန်မိုရီကဒ်တွေယူသွားတယ်”လို့ အဲဒီမျက်မြင်တွေ့ရသူကပြောပါတယ်။
Public Service Announcement
လူမှုကူညီရေးအသင်းဥက္ကဋ္ဌ ကိုဘယ်နေရာကိုခေါ်ဆောင်သွားတယ်လို့ ဆိုတာမသိရသလို ခေါ်သွားတဲ့သူတွေကို လည်းမသိရသေးပါဘူး။
လာရောက်ခေါ်ဆောင်ချိန်ကတော့ CDM တွေထောက်ပံ့မှုနဲ့ပတ်သက်ပြီး ဖုန်းနံပတ်တွေကိုမေးတာ ၊ Kpay ၊ WAVE အကောင့်ငွေစာရင်း တွေ ကို စစ်တာတွေပြုလုပ်သွားတယ်လို့သိရပါတယ်။
ဒါအပြင် အသင်းမှာရှိတဲ့ လူငယ်အမျိုးသား တွေကိုလည်း ဓားထောက်မေးမြန်းတာတွေလုပ်သွားတယ်လို့သိရပါတယ်။
