မကွေးတိုင်း ရေစကြိုမြို့နယ် မအူရဲစခန်းကို တိုက်ခိုက်ခဲ့ရာ စစ်ကောင်စီလက်အောက်ခံ ရဲနှစ်ဦးသေဆုံးပြီး နှစ်ဦး ဒဏ်ရာရရှိ၍စခန်းကို စွန့်ခွာထွက်ပြေးသွားကြောင်း ရေစကြို ပြည်သူ့ကာကွယ်ရေးတပ်ဖွဲ့က သတင်းထုတ်ပြန် သည်။
ယနေ့ (နိုဝင်ဘာ ၁၈ရက်) နေ့လည် ၂နာရီခန့်တွင် မအူရဲစခန်းကို ရေစကြို PDFနှင့် Phoenix အထူးပြောက်ကျားတပ်ဖွဲ့ (ရေစကြို)တို့ အတူပူးပေါင်းတိုက် ခိုက်ခဲ့ခြင်းဖြစ်ကြောင်း အဆိုပါ တိုက်ခိုက်မှုတွင် ပြည်သူ့ကာကွယ်ရေးတပ်ဖွဲ့မှ ရဲဘော်နှစ်ဦး ထိခိုက်ဒဏ်ရာရခဲ့ကြောင်းဖော်ပြထားသည်။
ထို့အပြင် ရဲစခန်းအား ၁နာရီကြာတိုက်ပွဲဆင်နွဲပြီး အောင်မြင်စွာသိမ်းပိုက်နိုင်ခဲ့ကြောင်း၊ လက်တော့ ( ၁)လုံး ဆိုင်ကယ်( ၄ )စီး ၊ဗုံးသီး (၁)လုံးနှင့် ကျည်များအပါအဝင် စာရွက်စာတမ်းများအား သိမ်းဆည်းကာ စခန်းကို မီးရှို့ခဲ့ကြောင်း ဓာတ်ပုံများနှင့်အတူထုတ်ပြန်ခဲ့ထားသည်။
ရေစကြို PDF နှင့် မဟာမိတ်အဖွဲ့များသည် နိုဝင်ဘာ ၁၃ရက်ကလည်း ရေစကြိုမြို့နယ် ပခန်းငယ် ရဲစခန်းကို တိုက်ခိုက်သိမ်းပိုက်ခဲ့သည်။ ထိုစဉ်ကလည်း ရဲများ ဒဏ်ရာများဖြင့် ထွက်ပြေးသွား၍ စခန်းကို မီးရှို့ ဖျက် ဆီးခဲ့သည်ဟု ဆိုသည်။
Public Service Announcement
