စစ်ကိုင်းတိုင်း မြောင်မြို့နယ် ကျောက်ရစ်ရဲကင်းစခန်းမှ ရဲတပ်သားတစ်ဦး လက်နက်ခဲယမ်းအပြည့်အစုံဖြင့် CDM ပြုလုပ်ပြီး ပြည်သူနှင့်ပူးပေါင်းလာသဖြင့် ဒေသကာကွယ်ရေးအဖွဲ့များက ဆုငွေကျပ် ၄၅သိန်း ချီးမြှင့်ပြီး လွတ်မြောက်နယ်မြေအရပ်ကို ပို့ဆောင်ပေးခဲ့ကြောင်း ယနေ့(နိုဝင်ဘာ၂၀ ရက်)တွင် YFPDF က သတင်းထုတ်ပြန်သည်။
ကျောက်ရစ်ရဲကင်းစခန်းမှ ကိုယ်ပိုင်အမှတ် (လ၂၇၄၁၈၅ )ရဲတပ်သား မောင်ထက်သူရသည် G3 သေနတ်တစ်လက် ၊ကျဉ်အတောင့် (၁၀၀)နှင့် လက်ပစ်ဗုံးတစ်လုံးနှင့်အတူ CDM ဝင်လာခြင်းဖြစ် သည်။
ဒေသကာကွယ်ရေး မဟာမိတ် ညီတောင်(၅)ဖွဲ့ဖြစ်သည့် Young Fighters People’s Defence Force of Myaung(YFPDF)၊ Myaung Special People’s Defense Force ( MSPDF)၊ 27 Revolution Forces၊ 11Brothers Revolution Forces နှင့် T.G.R People’s Defence Force ထံသို့ ခိုလုံလာသည့် အတွက် ဒေသကာကွယ်ရေးအဖွဲ့များစုပေါင်းကာ ကျပ်၄၅သိန်း ချီးမြှင့်ခဲ့သည်။
ထို့အပြင် ရဲတပ်သားမောင်ထက်သူရကို ရဲကင်းစခန်းမှ ကယ်ထုတ်ပေးနိုင်ခဲ့သည့် ပြည်သူတစ်ဦးကိုလည်း ကျပ်၁၀သိန်း ဂုဏ်ပြုလိုက်သည်ဟု YFPDF က ဆို သည်။
Public Service Announcement
ယခု ဖြစ်စဥ်ကို အမျိုးသားညီညွတ်ရေးအစိုး (NUG)ထံ စာရင်းပေးသွားမည်ဖြစ်ပြီး ဆက်လက် ခိုလုံလိုသူများအနေဖြင့်လည်း ယုံကြည်စိတ်ချစွာ ဆက်သွယ်နိုင်ကြောင်း YFPDFက အသိပေးထားသည်။
