မွန်ပြည်နယ် သံဖြူဇရပ်ရှိ ကျိုက်နဲရေလယ်ဘုရားပွဲသို့ ဘုရားဖူးလာရောက်သည့် လှေတိမ်းမှောက်၍ ဆရာတော်တစ်ပါး နှင့် လူပုဂ္ဂိုလ်၁၃ဦး ရေနစ်သေဆုံးမှု ယနေ့ (နိုဝင်ဘာ၂၁) နံနက် ၆ နာရီခန့်က ဖြစ်ပွားခဲ့သည်။
“လှေအချင်းချင်း ညပ်ပြီးတော့ လှေမှောက်ပြီး ရေနစ်သေဆုံးကုန်ကြတာ”ဟု ပိုင်ရှင်မဲ့လူမှုကူညီရေးအသင်း တာဝန်ရှိသူတစ်ဦးက ပြောသည်။
အဆိုပါ ရေနစ်သေဆုံးမှုတွင် ဆရာတော်တစ်ပါး၊ အသက်(၅၀)ကျော်အရွယ် အမျိုးသားတစ်ဦးနှင့် အမျိုးသမီး ၁၂ဦးတို့ဖြစ်ကြောင်း သိရသည်။
“ကျန်သေးတယ်ဆိုလို့ ထပ်ရှာနေတယ်။လောလောဆယ် ၁၁ နာရီ အထိတော့ အလောင်း ၁၄ လောင်းတွေ့ထားတယ်”ဟု လူမှုကူညီရေးအသင်းတာဝန်ရှိသူက ပြောသည်။
Public Service Announcement
သံဖြူဇရပ်မြို့နယ် ဝဲကလောင်ကျေးရွာနှင့် အံခဲကျေးရွာကြားတွင်ရှိသည့် ကျိုက်နဲရေလယ်ဘုရားသည် နှစ်စဉ် တန်ဆောင်မုန်းလပြည့်ကျော် ၂ရက်မှ၃ရက်အထိ ကျင်းပလေ့ရှိသည့် ဘုရားပွဲဖြစ်သည်။
