–ဖခင်ဖြစ်သူကိုပါ စစ်ကောင်စီဖမ်း
မိတ္ထီလာတက္ကသိုလ် ကျောင်းသားသမဂ္ဂဥက္ကဋ္ဌဟောင်း မသဲစုနိုင်အား အကြမ်းဖက်စစ်ကောင်စီက နေအိမ်သို့လာရောက်ဖမ်းဆီးသွားကြောင်း မိတ္ထီလာတက္ကသိုလ်ကျောင်းသားများသမဂ္ဂ(ဗ.က.သများအဖွဲ့ချုပ်)က ယနေ့(နိုဝင်ဘာ ၂၂)ထုတ်ပြန်သည်။
မသဲစုနိုင်သည် မိတ္ထီလာမြို့ ရန်မျိုးအောင်ရပ်ကွက်ရှိ နေအိမ်၌ရှိနေစဉ် သေနတ်ပစ်ဖောက်ဖမ်းဆီးခြင်းခံခဲ့ရခြင်းဖြစ်ပြီး ဖခင်ကိုပါ ဖမ်းဆီးသွားခဲ့သည်ဟု ထုတ်ပြန်ချက်တွင် ဖော်ပြသည်။
စစ်ကောင်စီမှ မသဲစုနိုင်အားဖမ်းဆီးစဉ် PDF ခေါင်းဆောင်အမျိုးသမီးဖြစ်သည်ဟု အကြောင်းပြ ဖမ်းဆီးသွားခြင်းဖြစ်ကြောင်း သမဂ္ဂထုတ်ပြန်ချက်က ဆိုသည်။
ထို့အပြင် နေအိမ်ရှိဖုန်းအားလုံးကိုလည်း စစ်ကောင်စီအဖွဲ့မှ သိမ်းယူသွားခဲ့ကြောင်း သိရသည်။