အကြမ်းဖက်စစ်ကောင်စီ၏ဖမ်းဆီးခံရစဉ် စစ်ကြောရေးတွင် သေဆုံးသွားသော မောင်ဘုန်းမြင့်အောင်၏နာရးကို ယနေ့မြေချ သဂြိုလ်သွားမည်ဖြစ်ကြောင်း ကျန်ရစ်သူမိသားစုက အသိပေးထားသည်။
ရန်ကုန်မြို့ ဗိုလ်တထောင်မြို့နယ် (၅၄)လမ်းနေ မောင်ဘုန်းမြင့်အောင်သည် နိုဝင်ဘာ ၂၂ ရက် နေ့လယ်ပိုင်းတွင် ဖခင်ဖြစ်သူနှင့်အတူ စစ်ကောင်စီအဖွဲ့၏ ဖမ်းဆီးခြင်း ခံခဲ့ရသည်။
ထိုသို့ သားအဖနှစ်ဦး အဖမ်းခံရပြီးနောက် ဖခင်ဖြစ်သူကို ညပိုင်းတွင်ပြန်လွှတ်ပေးခဲ့သော်လည်း မောင်ဘုန်းမြင့်အောင်မှာမူ အဖမ်းခံရပြီး နောက်တစ်ရက်တွင် သေဆုံးသွားပြီဖြစ်ကြောင်း စစ်ကောင်စီအဖွဲ့က မိသားစုထံ အကြောင်းကြားလာခြင်း ဖြစ်ကြောင်း မိသားစုနှင့် နီးစပ်သူများထံမှ သိရသည်။
မောင်ဘုန်းမြင့်အောင်နှင့် ဖခင်ဖြစ်သူတို့ကို အကြမ်းဖက်စစ်ကောင်စီမှ မည့်သည့်အတွက်ကြောင့် ဖမ်းဆီးခဲ့သည်ကိုမူ တိတိကျကျမသိရသေးပေ။
Public Service Announcement
ကွယ်လွန်ချိန်တွင် အသက် ၁၉ နှစ်ရှိပြီဖြစ်သော မောင်ဘုန်းမြင့်အောင်၏နာရေးကို ယနေ့(နိုဝင်ဘာ ၂၄)ရက်နေ့ နေ့လယ် ၁၂ နာရီတွင် နေအိမ်မှကားများထွက်ခွာ၍ ရေဝေးသုဿန်၌ သဂြိုလ်သွားမည်ဖြစ်ကြောင်း ကျန်ရစ်သူမိသားစုက အသိပေးထားသည်။
