ကုလမှာ မြန်မာစစ်ကောင်စီ ကိုယ်စားပြုခွင့်ရရှိနိုင်ဖွယ်မရှိ

-သံအမတ်ကြီးဦးကျော်မိုးထွန်းပဲ ဆက်လက်ကိုယ်စားပြုခွင့်ရရှိနိုင်

ကုလသမဂ္ဂမှာ မြန်မာစစ်ကောင်စီ ဒါမှမဟုတ် အာဖဂန်နစ္စတန်ရဲ့ တာလီဘန်တို့ဟာ နိုင်ငံကိုယ်စားပြုမှုရရှိမှာမဟုတ်ဘူးလို့ သံတမန်တွေက ပြောပါတယ်။

ဒီနေ့(ဒီဇင်ဘာ ၁ ရက်)ကျင်းပတဲ့ ကုလသမဂ္ဂကော်မတီအစည်းအဝေးက အာဖဂန်နစ္စတန်ရဲ့ တာလီဘန် ဒါမှမဟုတ် မြန်မာစစ်ကောင်စီကို နိုင်ငံကိုယ်စားပြုခွင့်ပေးမှာမဟုတ်ကြောင်း သံတမန်တွေကို ကိုးကားပြီး ရိုက်တာသတင်းဌာနက ဖော်ပြပါတယ်။

ရုရှား၊ တရုတ်နဲ့ အမေရိကန် အပါအဝင် အဖွဲ့ဝင် ၉ နိုင်ငံနဲ့ ဖွဲ့စည်းထားတဲ့ ကုလသမဂ္ဂအရည် အချင်းစစ်ကော်မတီဟာ အထွေထွေညီလာခံရဲ့ လက်ရှိအစည်း အဝေးတွေအတွက် အဖွဲ့ဝင် ၁၉၃ နိုင်ငံရဲ့ ကိုယ်စားပြုခွင့်အရည်အချင်းကို ဆန်းစစ်ဖို့ ဌာနချုပ်နယူးယောက်မှာ တွေ့ဆုံဆွေးနွေး ကြမှာလည်းဖြစ်ပါတယ်။

Public Service Announcement

ကော်မတီဟာ မြန်မာနဲ့ အာဖဂန်နစ္စတန်အတွက် ကိုယ်စားပြုခွင့်အတွက် ဆုံးဖြတ်ချက်ကို ရွှေ့ ဆိုင်းဖွယ်ရှိနေပြီး လက်ရှိကိုယ်စားလှယ်တွေကပဲ နိုင်ငံကိုယ်စားပြုခွင့်ကို ဆက်လက်ရရှိမယ့် သဘောဖြစ်နေတယ်လို့ အမည်မဖော်လိုတဲ့ သံတမန်လေးဦးက ရိုက်တာကို ပြောပါတယ်။

ကုလသမဂ္ဂမှာ လက်ရှိမြန်မာနိုင်ငံကိုယ်စားပြုခွင့်ကို မြန်မာပြည်သူတွေနဲ့အတူရပ်တည်ပြီး စစ်အာဏာသိမ်းမှုကို ဆန့်ကျင်တဲ့ သံအမတ်ကြီး ဦးကျော်မိုးထွန်းက ရရှိထားပြီး သူကပဲ လာမယ့်နှစ်အထိ နိုင်ငံကိုယ်စားပြုခွင့်ကို ဆက်လက်ရရှိမယ့်အခြေအနေဖြစ်ပါတယ်။