ကျေးရွာများကို မီးရှို့ပြန်လာသော အကြမ်းဖက်စစ်ကောင်စီတပ်ကို မိုင်းဆွဲတိုက်ခိုက်ရာ အကြမ်းဖက်စစ်ကောင်စီတပ်သားသုံးဦးသေဆုံးခဲ့ကြောင်း Ranger Kalay Defend Force က ထုတ်ပြန်သည်။
ယနေ့( ဒီဇင်ဘာ၃ရက်)နံနက်၈နာရီခွဲခန့်တွင် လယ်ခြားနှင့်ရှားတောကျေးရွာများအား မီးရှို့ပြန်လာသည့် အကြမ်းဖက်စစ်ကောင်စီတပ်ကို ဒေသခံကာကွယ်ရေးတပ်ဖွဲ့တစ်ခုဖြစ်သည့် Ranger Kalay Defend Forceက မိုင်းဆွဲတိုက်ခိုက်ခဲ့ခြင်းဖြစ်သည်ဟု ခြင်းဖြစ်သည်။
ထိုသို့မိုင်းဆွဲတိုက်ခိုက်မှုကြောင့် အကြမ်းဖက်စစ်ကောင်စီတပ်သားအများအပြားဒဏ်ရာရရှိပြီး သုံးဦးသေဆုံးခဲ့ကြောင်းထုတ်ပြန်ထားသည်။
ထို့နောက် အကြမ်းဖက်စစ်ကောင်စီတပ်သာများက အင်အား ၁၂၀ခန့်ဖြင့် စစ်ကြောင်း သုံးကြောင်းခွဲကာ Ranger Kalay Defend Force၏ စခန်းကို သိမ်းရန် ချီတက်လာခဲ့သည်ဟုလည်း ဆိုသည်။ ထိုစစ်ကြောင်းများကို ဒလန်က လမ်းပြခဲ့သည်ဟုလည်း ဆိုသည်။
ထို့ကြောင့် စစ်ကြောင်းများကို သတင်းအရ ဖောက်ခွဲတိုက်ခိုက်ပြီးနောက် ဒေသခံကာကွယ်ရေးတပ်သားများက ဆုတ်ခွာခဲ့ပြီး တပ်သားတစ်ဦးမှ ဖမ်းမိရခြင်းမရှိဟုလည်း ဖော်ပြထားသည်။
နိုဝင်ဘာ စတုတ္ထပတ်ကတည်းပင် ကလေးမြို့နယ်တောင်ပိုင်း၌ အကြမ်းဖက်စစ်ကောင်စီတပ်က ကျေးရွာများကို မီးရှို့နေခြင်းဖြစ်သည်။
ဒီဇင်ဘာ၁ရက်ကလည်း ကလေးမြို့နယ် လည်ခြားကျေးရွာရှိ လူနေအိမ်၂၅လုံး၊ စပါးတိုက်များနှင့် ဆန်စက်တစ်လုံးတို့ မီးရှို့ဖျက်ဆီးခံခဲ့သည်ဟု ဒေသခံများက ပြောသည်။ ထို့အပြင် မီးရှို့မခံရသည့်နေအိမ်များနှင့် ဈေးဆိုင်များမှ အဖိုးတန်ပစ္စည်းများကို ခိုးယူသွားကြသည်ဟု ဒေသခံများက ပြောသည်။
အကြမ်းဖက်စစ်တပ် မီးရှို့သည့်ကျေးရွာများတွင် ရှေ့စည်း၊ ဒိုးနွယ်၊ ကျောက်ဖူး၊ တင်သား၊ ရှားတော စသည့် ကျေးရွာများပါဝင်သည်။