ရောင်းချပြီးဖြစ်သောအထူးငွေတိုက်စာချုပ်များကို စတင်ပေးပို့နေပြီဖြစ်ကြောင်း အမျိုးသားညီညွတ်ရေးအစိုးရ(NUG)က ယနေ့ထုတ်ပြန်ကြေညာသည်။
ငွေတိုက်စာချုပ်များကို ရောင်းချပြီး ၁၁ ရက်မြောက်နေ့တွင် NUGက ပြည်သူများဝယ်ယူထားသည့် ငွေတိုက်စာချုပ်များကို အီးမေးလ်မှ တဆင့်ပို့ပေးနေခြင်းဖြစ်သည်။
အမျိုးသားညီညွတ်ရေးအစိုးရက နိုဝင်ဘာ ၂၂ ရက်စတင်ပြီး ဒေါ်လာ ၁၀၀, ၅၀၀, ၁၀၀၀ နှင့် ၅၀၀၀တန်ငွေတိုက်စာချုပ်များကို ဒေါ်လာသန်း ၂၀၀ဖိုး စတင်ရောင်းချနေခြင်းဖြစ်သည်။ ပထမအသုတ်ဝယ်ယူထားသည့် ငွေတိုက်စာချုပ်များကို ဒီဇင်ဘာ ၃ ရက်တွင် စတင်ပေးပို့နေခြင်းဖြစ်သည်။
“Bondတွေ(ငွေတိုက်စာချုပ်)ကို အဆင်ပြေရင် စက္ကူသားလေးနဲ့ထုတ်ပြီးပေးစေချင်တယ် အမှတ်တရသိမ်းထားလို့ရအောင်ပါ။”ဟုစင်ကာပူနိုင်ငံမှ ငွေတိုက်စာချုပ်ဝယ်ယူခဲ့သူ တစ်ဦးကပြောသည်။
Public Service Announcement
ထိုပြင်ငွေတိုက်စာချုပ်များဓါတ်ပုံကို လူမူကွန်ယက်ပေါ်တင်မည်ဆိုပါက QR ကုတ်များကို ဖုံးခြင်း သို့မဟုတ် ဖျက်ခြင်းပြုလုပ်ပြီးမှ တင်ရန်လည်း နည်းပညာကျွမ်းကျင်သူများကအကြံပြုသည်။ QR code ကို Scan လုပ်လိုက်ပါက ဝယ်ထားသူ၏ အမည် ၊ဝယ်ယူထားသောပမာဏာ စသောကိုယ်ရေးအချက်အလက်များကို တွေ့ရနိုင်သဖြင့် QR code များကိုဖေစ်ဘွခ်တွင်မတင်ရန် နည်းပညာကျွမ်းကျင်သူများကအကြံပြုခြင်းဖြစ်သည်။
လက်ရှိတွင် ငွေပေးချေမူများအခက်အခဲဖြစ်၍ အမျိုးသားညီညွတ်ရေးအစိုးရက ငွေတိုက်စာချုပ်ရောင်းချမူများကို နိုဝင်ဘာ ၂၉ ရက်မှ ဒီဇင်ဘာ ၆ ရက်အထိ တပတ်တာအရောင်းရပ်နားထားသည်။
