မတ္တရာမြို့နယ်ထဲက ကျေးရွာအချို့မှာ စစ်ကောင်စီတပ်တွေမွှေနှောက်ပြီး လိုက်လံဖမ်းဆီးတာတွေလုပ်နေလို့ ဘေးလွတ်ရာကိုထွက်ပြေးတိမ်းရှောင်နေရတယ်လို့ဒေသခံတွေဆီကသိရပါတယ်။
ဒီနေ့မနက်ပိုင်းက ရုံးပင်ကျေးရွာထဲကို စစ်ကောင်စီတပ်တွေ ဝင်လာပြီး ဖမ်းဆီးတာတွေလုပ်ခဲ့တာလို့ အဲဒီရွာက ဒေသခံတစ်ဦးကပြောပါတယ်။
“သဖန်းကိုင်းဘက်မှာတော့ သူတို့ကတပ်စွဲထားတာ၊ ဒီနေ့ရွာထဲကိုဝင်လာပြီး ကလေးတွေကော ကလေးအမေတွေပါ ဖမ်းပြီး စာသင်ကျောင်းမှာထားထားတာ၊ ရွာလုံးကျွတ်နီးပါးကတော့ လွတ်ရာတောထဲကိုရှောင်နေရတယ်”လို့အဲဒီရုံးပင်ကျေးရွာသားကပြောပါတယ်။
စစ်ကောင်စီတပ်တွေဟာ မတ္တရာမြို့နယ်ထဲရှိ ကျေးရွာတွေမှာ PDFတွေလာရောက် နေထိုင်တယ်ဆိုတဲ့ အကြောင်းပြချက်နဲ့ ရွာထဲရှိ ပြည်သူတွေကိုဖမ်းဆီး နှိပ်စက်တာ၊ ကြက် ၊ဝက် ၊နွားတွေကို ယူဆောင်သွားတာတွေလုပ်နေတယ်လို့သိရပါတယ်။
Public Service Announcement
