ဒီဇင်ဘာလ ၄ ရက် နံနက်ပိုင်းက နွားထိုးကြီးမြို့နယ်အတွင်းသို့ နယ်မြေရှင်းလင်းရန် လာရောက်သော အကြမ်းဖက်စစ်ကောင်စီတပ်ဖွဲ့ကို 27 Revolution Forces နှင့် နွားထိုးကြီးPDF (Natogyi People Defence Force )အဖွဲ့တို့ကဆွဲမိုင်းဖြင့် တိုက်ခိုက်ခဲ့ပြီး စစ်သား ၂၃ ဦးသေဆုံးကာ ၁၇ ဦး ရရှိသွားကြောင်း 27 Revolution Forcesကသတင်းထုတ်ပြန်ခြင်းဖြစ်သည်။
နွားထိုးကြီးမြို့နယ်၊ ကျောက်တန်းရွာ လမ်းဆုံတွင် ၆ လုံးမိုင်းဖြင့် ၂ ကြိမ်တိုက်ခိုက်ခဲ့ခြင်းဖြစ်ကြောင်း 27 Revolution အဖွဲ့က ပြောသည်။ အဆိုပါတိုက်ခိုက်မှုနှင့် စစ်ကောင်စီတပ်ဖွဲ့ဝင်များသေဆုံးမှုမှာဟုတ်မှန်ကြောင်းဒေသခံအချို့ကလည်း ပြောသည်။
