မန္တလေးမြို့တွင် ရတနာပုံတက္ကသိုလ်ကျောင်းသားများသမဂ္ဂ၏ စစ်အာဏာရှင်ဆန့်ကျင်ရေး အရုဏ်ဦးသပိတ်သို့ သွားရောက်သည့် လူငယ်သုံးဦးကို အကြမ်းဖက်စစ်ကောင်စီတပ်က ကားဖြင့်တိုက် ဖမ်းဆီးရာ မိန်းကလေးတစ်ဦး ဖမ်းဆီးခံရကြောင်း အဆိုပါသပိတ်မှ လူငယ်တစ်ဦးက ပြောသည်။
ယနေ့ (ဒီဇင်ဘာ ၈ရက်)နံနက် ၅ နာရီခွဲတွင် (၆၃)လမ်း ဝန်းကျင်၌ ပြုလုပ်မည့် သပိတ်သို့ သွားရောက်သည့် လူငယ် သုံးဦးကို အကြမ်းဖက်စစ်ကောင်စီက စစ်ကားဖြင့် ဝင်တိုက်အကြမ်းဖက်ခြင်းဟု အဆိုပါ လူငယ်တစ်ဦးက ပြောသည်။
“ဒီမနက် အရုဏ်ဦးသပိတ်ကို လာတဲ့အချိန် စစ်ကားနဲ့ လူငယ် သုံးယောက်ကို ဝင်တိုက်ဖမ်းတာပါ။ စစ်ကားက လူငယ်တွေကို မသက်ာလို့ နောက်ကလိုက်တဲ့အချိန် ဝင်တိုက်ဖမ်းခံရတာလို့တော့ သိရတယ်။ မိန်းကလေး တစ်ယောက် ဖမ်းခံလိုက်ရတယ်။ ကျန်တဲ့ နှစ်ယောက်တော့ လွတ်သွားပါတယ်”ဟု ၎င်းက ပြောသည်။
ပြီးခဲ့သည့် ဒီဇင်ဘာ၅ရက်ကလည်း ရန်ကုန်မြို့ ကြည့်မြင်တိုင်မြို့နယ် ပန်းပင်ကြီးလမ်းပေါ်တွင် ရန်ကုန်လူထုသပိတ်စစ်ကြောင်းကိုလည်း အကြမ်းဖက်စစ်တပ်က ကားဖြင့်ဝင်တိုက် သေနတ်ဖြင့် ပစ်ခတ် အကြမ်းဖက်ခဲ့သည်။
Public Service Announcement
