ထိုင်းနိုင်ငံ မြန်မာနယ်စပ် မဲဆောက်မြို့နယ်အနီးက တောတွင်းတစ်နေရာမှာ တရားမဝင်ရောက်ရှိလာတဲ့ ရွှေ့ပြောင်းမြန်မာလုပ်သား ၂၀ ကျော်ကို ဒီကနေ့မနက် အစောပိုင်းက ထိုင်းလုံခြုံရေးအဖွဲ့က ဖမ်းဆီးရမိခဲ့တယ်လို့ ထိုင်းစစ်တပ်က သတင်းထုတ်ပြန်ထားပါတယ်။
ဒီကနေ့ ဒီဇင်ဘာ ၁၁ ရက် မနက် ၁ နာရီခွဲအချိန်က ထိုင်းနိုင်ငံ တာ့ခ်ခရိုင် မဲဆောက်မြို့နယ် ထာ့ဆိုင်လွတ်ဒေသက ကြံစိုက်ခင်းတစ်ခုအတွင်းမှာ ပုန်းအောင်းရောက်ရှိနေတဲ့ မြန်မာရွှေ့ပြောင်းလုပ်သား ၂၇ ဦးကို ထိုင်းလုံခြုံရေးတပ်ဖွဲ့က ဖမ်းဆီးရမိခဲ့တာ ဖြစ်ပါတယ်။
ဖမ်းဆီးရမိတဲ့ မြန်မာရွှေ့ပြောင်းလုပ်သားတွေကို ကိုဗစ်ရောဂါရှိမရှိ စစ်ဆေးမှုတွေ လုပ်ဆောင်ပေးနေပြီး သက်ဆိုင်ရာနယ်မြေရဲစခန်းထံ လွဲပြောင်းပို့ဆောင်ပေးခဲ့တယ်လို့ ထိုင်းစစ်တပ်ရဲ့ ထုတ်ပြန်ချက်အရ သိရပါတယ်။
