မန္တလေးမြို့တွင် ယနေ့(ဒီဇင်ဘာ ၁၃)နံနက်ပိုင်းက အရပ်ဝတ်ဖြင့် စျေးဝယ်ထွက်လာသည့် စစ်ကောင်စီတပ်သားနှစ်ဦးကို သေနတ်ဖြင့် ပစ်ခတ်ရှင်းလင်းခဲ့ကြောင်း မြို့ပြပြောက်ကျားတပ် People Guerrilla Commando – Mandalay က ထုတ်ပြန်သည်။
ယနေ့ နံနက် ၇ နာရီခွဲခန့်တွင် မန္တလေးမြို့ မဟာအောင် မြေမြို့နယ် (၃၆) လမ်း၊ လမ်း(၇၀) နှင့် (၇၁)လမ်းကြား မဟာနွယ်စဥ်ရပ်ကွက် အုပ်ချုပ်ရေးမှူးရုံး၌ တပ်စွဲထားသော စစ်ကောင်စီတပ်သားနှစ်ဦး စျေးဝယ်ထွက်လာစဥ် ပစ်ခတ်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
“မဟာနွယ်စဉ် ရပ်ကွက်အုပ်ချုပ်ရေးမှူးရုံးတွင် တပ်စွဲထားသော စစ်သားသုံးဦး (၃၇)လမ်း ရေနီမြောင်းဈေးသို့ ဈေးဝယ်နစဉ် စစ်သားနှစ်ဦးအား နောက်စေ့မှကပ်၍ ပစ်ခတ်ခဲ့ရာ စစ်သားတစ်ဦးနေရာတွင် ပွဲချင်းပြီးသေဆုံး၍ တစ်ဦးမှာ အောက်မေးရိုးပြုတ်ထွက်ဒဏ်ရာဖြင့် ထပြေးသွားသည်”ဟု PGC (Mandalay)က ဆိုသည်။
ပစ်ခတ်မှုအတွင်း သေဆုံးသွားသော စစ်ကောင်စီတပ်ဖွဲ့ဝင်မှာ တပ်ကြပ်ကြီးအဆင့်ရှိသူဖြစ်ကြောင်း ဒေသခံများက ပြောဆိုကြသော်လည်း People’s Spring က သီးခြားအတည်ပြုချက် မရရှိသေးပေ။
Public Service Announcement
မန္တလေးမြို့တွင် ယခုရက်ပိုင်းအတွင်း စစ်ကောင်စီ ၏ထောက်တိုင် အုက်ချုပ်ရေးမှူး၊ ပျူစောထီး စသူတို့အပါအဝင် စစ်ကောင်စီတပ်များ နေ့စဥ်နီးပါးတိုက်ခိုက်ခံနေရပြီး ယမန်နေ့ (ဒီဇင်ဘာ ၁၂)တစ်ရက်တည်းတွင် ပစ်ခတ်ရှင်းလင်းခံရသူ လေးဦးထက်မနည်း ရှိခဲ့သည်။
