မြန်မာနိုင်ငံအနောက်မြောက်ပိုင်းတွင် နိုင်ငံတွင်း အရပ်သားနေရပ်စွန့်ခွာထွက်ပြေးရမှုများ မြင့်တက်နေပြီး လူသားချင်းစာနာမှုလုပ်ငန်းတွေလုပ် ဆောင်ရေး ခက်ခဲနေကြောင်း ကုလသမဂ္ဂလူသားချင်းစာနာမှုဆိုင်ရာညှိနှိုင်းရေးရုံး(OCHA)က ယနေ့(ဒီဇင်ဘာ ၁၅ရက်) ထုတ်ပြန်သည်။
လူသားချင်းစာနာမှုလုပ်ငန်းဆောင်ရွက်နေသူများအနေ ဖြင့် အဆိုပါဒေသတွေဆီ သွားလာခွင့်ရ ရှိရန် အခက် အခဲများဖြစ်နေပြီး ယင်းမှာ အလေးအနက်ထားဖြေရှင်းရမည့် လူသားချင်းစာနာမှုအခြေအနေဖြစ်ကြောင်း OCHAက ဆိုသည်။
ဒီဇင်ဘာ ၇ရက် ကိန်းဂဏန်းများအရ တပ်မတော်၊ ချင်းပြည်နယ်ကာကွယ်ရေးတပ်ဖွဲ့နှင့် အခြားသောပြည်သူ့ကာကွယ်ရေးတပ်ဖွဲ့များအကြား တိုက်ပွဲများကြောင့် လူဦးရေ ၁သိန်းကျော် တိုက်ပွဲရှောင်ထွက်ပြေးနေရကြောင်း OCHA၏ ထုတ်ပြန်ချက်၌ ဖော်ပြသည်။
ထို့အပြင် စစ်ကိုင်းတိုင်းအတွင်းရှိ မြို့နယ် ၄ ခုတွင် လူပေါင်း ၁၈၀၀၀ ကျော် နေရပ်စွန့်ခွာ ထွက်ပြေးနေရပြီး တိုက်ပွဲရှောင်ထွက်ပြေးရသူဦးရေမှာ ၅၉၀၀၀ ကျော်ရှိနေပြီဟု ဆိုသည်။
Public Service Announcement
ချင်းပြည်နယ်၊ မင်းတပ်နှင့် ကန်ပက်လက်မြို့နယ်များတွင် ထပ်မံ အိုးအိမ်စွန့်ခွာထွက်ပြေးရသူဦးရေ ၁၀၅၀၀ ခန့်ရှိခဲ့ပြီး လက်ရှိအချိန်အထိ လူဦးရေ ၄၀၁၀၀ အထိရှိသွားပြီဖြစ်သည်ဟု OCHA က ထုတ်ပြန်သည်။
