ကော့ကရိတ်မြို့နယ် အာရှလမ်းမအနီးက တောနော်ရေတံခွန်မှာ ဒီကနေ့ နေKNLA တပ်မဟာ ၆ နဲ့ စစ်ကောင်စီတပ်တို့အကြား ထိတွေ့ပစ်ခတ်မှုဖြစ်ပွါးခဲ့ပြီး စစ်ကောင်စီဘက်က ဒုတပ်ရင်းမှူးအပါအဝင် ၂ ဦးသေဆုံးသွားခဲ့တယ်လို့ ကေအဲန်ယူထံကနေ သိရပါတယ်။
ကေအဲန်ယူထိန်းချုပ်နယ်မြေဖြစ်တဲ့ ဒေါနတောင်ပေါ်ကို ခြေကျင်နဲ့ နယ်မြေဖြတ်ကျော်ရောက်ရှိလာတဲ့ စစ်ကောင်စီတပ်နဲ့ ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၆ အကြား ဒီကနေ့ ၁၂ နာရီကျော်အချိန်က တောနော်ရေတံခွန်မှာ ထိပ်တိုက်တွေ့ဆုံပြီး ပစ်ခတ်မှုနာရီအတော်ကြာ ဖြစ်ပွားခဲ့တာပါ။
အဲ့ဒီတိုက်ပွဲမှာ စစ်ကောင်စီဘက်က ဒုတပ်ရင်းမှူးအဆင့်ရှိသူ အပါအဝင် ၂ ဦးသေဆုံးခဲ့ပြီး ၂ ဦးဒဏ်ရာရရှိသွားခဲ့တယ်လို့ကေအဲန်ယူ ကော့ကရိတ်မြို့နယ် သတင်းနဲ့ပြန်ကြားရေးဌာနခွဲထံကနေ သိရပါတယ်။
