ကိုးကန့်လက်နက်ကိုင်တပ်ဖွဲ့(MNDAA) တပ်စခန်းများကို အာဏာသိမ်းစစ်ကောင်ဏီတပ်က လက်နက်ကြီးများဖြင့် အချက်ပေါင်းများစွာ ဆက်လက်ပစ်ခတ် တိုက်ခိုက်သကဲ့သို့ တိုက်ပွဲဖြစ်ပွားမှု ဆက်ရှိနေကြောင်း MNDAAက သတင်းထုတ်ပြန်သည်။
ဇန်နဝါရီ ၈ရက်မှ ၁၀ရက်အတွင်း မုံးကိုးခရိုင်ရှိ MNDAA၏ မန်ရန် တပ်စခန်းကို စစ်ကောင်စီတပ်က လက်နက်ကြီးများ၊ စက်သေနတ်၊ စနိုက်ပါတို့ဖြင့် ပစ်ခတ်တိုက်ခိုက်ခဲ့ပြီး ရှိကျိကျတောင်တန်းရှိ MNDAA တပ်စခန်းကိုလည်း လက်နက်ကြီးများဖြင့် တိုက်ခိုက်ခဲ့ကြောင်း ဖော်ပြသည်။
ဇန်၀နါရီ ၁၀ရက် နေ့လယ်ပိုင်းကလည်း MNDAA နှင့် စစ်ကောင်စီတပ်တို့ သိန္နှီ ဒေသ၌ တိုက်ပွဲဆက်ဖြစ်ခဲ့ပြီး အပြန်အလှန် ပစ်ခတ်မှုအတွင်း စစ်ကောင်စီတပ်မှ ထိခိုက်ကျဆုံးမှုကို မသိရသော်လည်း MNDAA ဘက်က ထိခိုက်ကျဆုံးမှုမရှိဟု ထုတ်ပြန်သည်။
MNDAAနှင့် စစ်ကောင်စီတပ်တို့သည် မုံးကိုးဒေသ၌ ၂၀၂၁ ဇူလိုင်လလယ်မှစ၍ တိုက်ပွဲများ ဖြစ်ပွားခဲ့ရာ စစ်ကောင်စီတပ်က ထိခိုက်သေဆုံးမှုများပြားခဲ့သည်။ လက်ရှိအချိန်ထိ တိုက်ပွဲဖြစ်ပွားမှု ဆက်ရှိနေသကဲ့သို့ အဆိုပါဒေသရှိ MNDAA တပ်စခန်းများကို စစ်ကောင်စီတပ်က လက်နက်ကြီးများဖြင့် ပစ်ခတ်တိုက်ခိုက်မှုများ နေ့စဉ်လိုလို ပြုလုပ်နေသည်ဟု MNDAAက ဆိုသည်။
Public Service Announcement
