'/%3E%3C/svg%3E){kind=small}
ထိုင်းနိုင်ငံတောင်ပိုင်း ရနောင်းမှာ ရေကြောင်းကနေတစ်ဆင့် တရားမဝင်ဝင်ရောက်လာတဲ့ ရွှေ့ပြောင်းမြန်မာလုပ်သား (၁၇) ဦးကို မနေ့ညက ထိုင်းရေတပ်က ဖမ်းဆီးရမိခဲ့တယ်လို့ သတင်းထုတ်ပြန်ပါတယ်။
မနေ့ည ၉ နာရီခွဲအချိန်က မြန်မာနိုင်ငံ ကော့သောင်းနဲ့ ထိုင်းနိုင်ငံ ရနောင်းမြို့ ပင်လယ်ပြင်ကြားမှာ ရွှေ့ပြောင်းမြန်မာလုပ်သားတွေကို တင်ဆောင်လာတဲ့ စက်လှေတစ်စီးကို ထိုင်းရေတပ်က စစ်ဆေးပြီး အဲ့ဒီစက်လှေထဲမှာ ကလေးတစ်ဦးအပါအဝင် မြန်မာလုပ်သား ၁၇ ဦးကို ဖမ်းဆီးရမိရခဲ့တာဖြစ်ပါတယ်။
ဖမ်းဆီးရမိတဲ့ အထောက်အထားမဲ့မြန်မာရွှေ့ပြောင်းလုပ်သားတွေကို ထိုင်းရေတပ်က ရဲတပ်ဖွဲ့ထံ လွဲပြောင်းပေးပို့ခဲ့ပြီး ဥပဒေအတိုင်း လုပ်ဆောင်သွားမှာဖြစ်တယ်လို့ ထိုင်းရေတပ်ရဲ့ထုတ်ပြန်ထားချက်အရ သိရပါတယ်။
