အကြမ်းဖက်စစ်ကောင်စီလက်အောက်တွင် ဆက်လက်တာဝန်ထမ်းဆောင်နေသည့် စိုက်ပျိုးရေးဦးစီဌာနမှ ညွှန့်ကြားရေးမှူးချုပ်အပါအဝင် အရာရှိ အယောက် ၄၀ဦးကို အမည်ပျက်စာရင်းသွင်းက ဝန်ထမ်းအဖြစ်မှ ထုတ်ပယ်လိုက်ကြောင်း အမျိုးသားညီညွတ်ရေးအစိုးရ(NUG)၊ ပြည်ထောင်စုဝန်ကြီးချုပ်ရုံးက ဇန်နဝါရီ ၂၁ ရက်တွင်
ထုတ်ပြန်လိုက်သည်။
၎င်းတို့သည် စစ်ကောင်စီလက်အောက်တွင် တာဝန်ထမ်းဆောင်ရုံတင်မကဘဲ CDM ဝန်ထမ်းများကို ဖိအားပေးခြင်း၊ ခြိမ်းခြောက်ခြင်း၊ ရာထူးမှထုတ်ပယ်ခြင်း၊ ဝန်ထမ်းအဖြစ်မှထုတ် ပစ်ခြင်းနှင့် တရားစွဲခြင်း များဆောင်ရွက်နေခြင်းကြောင့်ဟုဖော်ပြထားသည်။
ထိုအပြင်၎င်းတို့သည် အရပ်သားအစိုးရလက်ထက်တွင်ပြန်ဆပ်ရန်မလိုတော့သည့် လစာချေးငွေများအားအတင်းအဓမ္မ ပြန်လည်ပေးဆပ်ခိုင်းခြင်းများလည်းဆောင်ရွက်နေသည်ဟုပါရှိသည်။
၎င်းတို့ကို အကြမ်းဖက် စစ်ကောင်စီ၏လက်အောက်တွင် ဆက်လက်တာဝန်မထမ်းဆောင်ပဲ ဓမ္မဘက်မှရပ်တည်ရန်နှင့် အမိန့်အာဏာဖီဆန်ရေးလှုပ်ရှားမှု (CDM) တွင်ပါဝင်ကြစေရန် အကြိမ် ကြိမ်ဖိတ်ခေါ် ကမ်းလှမ်းခဲ့ပြီးလည်းဖြစ်ကြောင်းလည်း ဖော်ပြထားသည်။
အမျိုးသားညီညွတ်ရေးအစိုးရက ထုတ်ပယ်သည့် စိုက်ပျိုးရေးဦးစီးဌာနတွင် ညွန့်ကြားရေးမှူးချုပ် ဒေါက်တာရဲတင့်ထွန်း၊ ဒုတိယ ညွန့်ကြားရေးမှုးချုပ်များဖြစ်သည့် ဦးဇော်ထွန်းမြင့်၊ ဦးလှမြင့်အောင်၊ ဦးသက်ဇင်မောင်၊ ဦးသူရစိုးနှင့် ဒေါ်ခင်စန်းမြင့်တို့ပါဝင်သည်။ ထိုအပြင် ရုံးချုပ်နှင့် တိုင်း/ပြည်နယ်များမှ ညွန့်ကြားရေးမှူးများလည်း ပါဝင်သည်။