စစ်ကိုင်းတိုင်းရှိ တမူးPDFနှင့် ချင်းပြည်နယ်အခြေစိုက် ဇိုမီးPDFတို့ မဟာမိတ်ပြုလုပ်လိုက်ပြီး အာဏာရှင်စနစ်ကို အပြီးတိုင်ဖျက်သိမ်းသည်အထိ အတူတကွ တိုက်ပွဲဝင်သွားမည်ဖြစ်ကြောင်း ထုတ်ပြန် ကြေညာသည်။
People’s Defense Force – Tamu (တပ်ရင်း -၄)နှင့်Zomi Federal Union/PDF Zoland တို့ မဟာမိတ်ပြုလုပ်ကြောင်းကို ဇန်နဝါရီ ၂၅ရက်က ကြေညာခြင်းဖြစ်သည်။
“စစ်အာဏာရှင်စနစ်အပါအဝင် အာဏာရှင်စနစ်အားလုံးကို အပြီးတိုင်ဖျက်သိမ်းသည်အထိ သစ္စာမပျက် အတူတကွ တိုက်ပွဲဝင်သွားမည်ဖြစ်ကြောင်း ကြေညာအပ်ပါသည်”ဟု ထုတ်ပြန်ကြေချက်တွင် ဖော်ပြထားသည်။
ထို့အပြင် မိမိတို့နယ်မြေဒေသတွင် ကျူးကျော်ဝင်ရောက်ရန် ကြိုးစားသည့် အာဏာရှင် စစ်ကောင်စီနှင့် ပြည်တွင်း ပြည်ပမှ စစ်ကောင်စီနှင့်ပူးပေါင်းသည့် မည်သည့် လက်နက်ကိုင်အဖွဲ့အစည်းမဆို အတူတကွ နှင်ထုတ်ချေမှုန်းသွားမည်ဖြစ်ကြောင်းလည်း ထုတ်ပြန်ထားသည်။