၂၀၂၀ အထွေထွေရွေးကောက်ပွဲမှာ UEC အပေါ် မလျော်သြဇာသုံးကာ မဲမသမာမှုလုပ်တယ်ဆိုတဲ့ စွပ်စွဲချက်နဲ့ စစ်ကောင်စီက သမ္မတဦးဝင်းမြင့် ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဝန်ကြီး ဦးမင်းသူတို့အပေါ် စွဲဆိုထားတဲ့အမှုကို ရက်ပေါင်း ၁၈၀ အတွင်း အပြီးစစ်ဆေး သွားမယ်လို့ သိရပါတယ်။
စစ်ကောင်စီဟာသူတို့ သုံးဦးကို ထောင်ဒဏ် ၃ နှစ်အထိ ချလိုရတဲ့ ရွေးကောက်ပွဲမသမာမှု ရာဇသတ်ကြီး ပုဒ်မ ၁၃၀ (က) နဲ့ စွဲဆိုထားတာဖြစ်ပါတယ်။
အဲဒီအမှုအတွက် ဒီနေ့မှာ ဒေါ်အောင်ဆန်းစုကြည်တို့ရဲ့ရှေ့နေအဖွဲ့က နေပြည်တော်အထူးတရားရုံးကိုသွားရောက်ခဲ့တာပါ။
တရားရုံးဘက်က အမှုဟာ ရိုးရှင်းတဲ့အမှုဖြစ်တဲ့အတွက် ရက်ပေါင်း ၁၆၀ အတွင်း အပြီးစစ်ဆေးကြားနာမယ်လို့ သိရပါတယ်။
Public Service Announcement
စစ်ကောင်စီဟာ ပြီးခဲ့တဲ့ ၂၀၂၀ အထွေထွေရွေးကောက်ပွဲဟာ မဲမသမာမှုတွေရှိတယ်လို့အကြောင်းပြ အာဏာသိမ်းတာဟာ တစ်နှစ်ပြည့်ပါပြီ။
ပြည်တွင်း ပြည်ပ ရွေးကောက်ပွဲစောင့်ကြည့်သူတွေကတော့ ၂၀၂၀ အထွေထွေရွေးကောက်ပွဲဟာ ပြည်သူ့ဆန္ဒကို ထင်ဟပ်စေခဲ့တဲ့ ရွေးကောက်ပွဲရလဒ်ဖြစ်တယ်လို့ ထုတ်ပြန်ကြေညာထားကြပါတယ်။
ဒါပေမယ့် စစ်ကောင်စီကတော့အာဏာသိမ်းပြီးတဲ့နောက် ဒေါ်အောင်ဆန်းစုကြည်နဲ့ NLD အစိုးရအဖွဲ့ဝင်တွေကိုမဲမသမာမှု အပါအဝင် ပုဒ်မမျိုးစုံနဲ့ အမှုတပ် ကာ ထောင်ချတာတွေ လုပ်နေတာပါ။
