ကချင်ပြည်နယ် မံစီမြို့နယ်တွင် ကချင်လွတ်လပ်ရေးတပ်မတော်(KIA)နှင့် အာဏာသိမ်းစစ်ကောင်စီတပ်တို့ တိုက်ပွဲဖြစ်ပွားခဲ့ကြောင်း KIA သတင်းနှင့် ပြန်ကြားရေးဌာနက ယနေ့ ဖော်ပြသည်။
KIA တပ်မဟာ(၃)၊ တပ်ရင်း (၂၇) နယ်မြေအတွင်း စစ်ရေးလှုပ်ရှားလာသည့် စစ်ကောင်စီတပ်နှင့် ဇန်နဝါရီ ၃၀ရက် ညနေပိုင်းတွင် ၁နာရီကြာ တိုက်ပွဲဖြစ်ခဲ့သည်ဟုဆိုသည်။
စစ်အင်းအား ၁၀၀ခန့်ပါရှိသည့် စစ်ကောင်စီတပ်က ကိုင်ထိပ်(Kai htik)မှ ဇော်ဘုန်ထိန်နူ တစ်လျှောက် စစ်ရေးလှုပ်ရှားလာချိန် တိုက်ပွဲဖြစ်ခဲ့ပြီး စစ်ကောင်စီတပ်ကို မိုင်းဖြင့်လည်း တိုက်ခိုက်ခဲ့ကြောင်း ဖော်ပြထားသည်။ အဆိုပါ တိုက်ခိုက်မှုဖြစ်စဉ်များအတွင်း နှစ်ဖက်ထိခိုက် ကျဆုံးမှုရှိမရှိကို ဖော်ပြမထားပေ။
KIAနှင့် စစ်ကောင်စီတပ်တို့သည် ဇန်နဝါရီ၂၅ ရက်ကလည်း မန်စီမြို့နယ်အတွင်း တိုက်ပွဲဖြစ်ခဲ့သည်။