စစ်ကောင်စီတပ်သားတစ်ဦး ဖမ်းမိပြီး တပ်စခန်းနှင့် ရဲစခန်းကို မီးရှို့ခဲ့ဟုဆို
ကချင်ပြည်နယ် ပူတာအိုမြို့နယ်ရှိ ဆွမ်ပီယာန် တပ်စခန်းကို ကချင်လွတ်လပ်ရေးတပ်မတော် (KIA)နှင့် ပြည်သူ့ကာကွယ်ရေးတပ်(PDF)တို့ ယနေ့နံနက်က တိုက်ခိုက်သိမ်းပိုက်ခဲ့ရာ လက်နက်ခဲယမ်းအများအပြားနှင့် စစ်ကောင်စီတပ်ဖွဲ့ဝင် တစ်ဦး ဖမ်းမိခဲ့ကြောင်း ပူတာအို PDFက ထုတ်ပြန်သည်။
ဖေဖော်ဝါရီ ၁ရက် နံနက် ၁၀နာရီခွဲဝန်းကျင်တွင် စခန်းကို သိမ်းပိုက်နိုင်ခဲ့ကြောင်း၊ လုံရှာယာန် ကျေးရွာအတွင်းရှိ စခန်းများကိုလည်း နယ်မြေရှင်းလင်းရေး လုပ်ဆောင်ကာ တပ်စခန်းနှင့် ရဲစခန်းကို မီးရှို့ဖျက်ဆီးခဲ့ကြောင်း ဖော်ပြထားသည်။
