'/%3E%3C/svg%3E){kind=small}
လုပ်ငန်းရှင်တစ်ဦးထံကနေ အမေရိကန်ဒေါ်လာ ငါးသိန်းခွဲ တံစိုးလက်ဆောင်ယူတယ်ဆိုတဲ့ စွပ်စွဲချက်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို စစ်ကောင်စီက အဂတိပုဒ်မ နဲ့ထပ်တိုးတရားစွဲလိုက်ပါတယ်။
ဒီလို အဂတိပုဒ်မ နဲ့ထပ်တိုးတရားစွဲတာကို စစ်ကောင်စီ အဂတိကော်မရှင်ရဲ့ဒီနေ့ညပိုင်းက ထုတ်ပြန်လာပါတယ်။
ဒေါ်အောင်ဆန်းစုကြည် တာဝန်ထမ်းဆောင်ချိန် ပုဂ္ဂလိက လုပ်ငန်းရှင်တစ်ဦးက စီးပွားရေးလုပ်ငန်းတွေအဆင်ပြေစေဖို့ ဒေါ်ခင်ကြည်ဖောင်ဒေးရှင်း ကို အလှူငွေအဖြစ် အကြောင်းပြကာ အမေရိကန်ဒေါ်လာ ၅ သိန်းခွဲ လှူဒါန်းခဲ့တယ်လို့ စစ်ကောင်စီရဲ့ အဂတိကော်မရှင်ကဆိုထားပါတယ်။
ဒီလှူဒါန်းငွေကို ဒေါ်အောင်ဆန်းစုကြည်ဟာ လေးကြိမ်ခွဲပြီး တံစိုးလက်ဆောင်အဖြစ်ယူခဲ့တယ်လို့ စွပ်စွဲထားပါတယ်။
Public Service Announcement
အဲဒီစွပ်စွဲချက်နဲ့ စစ်ကောင်စီဟာ ဒေါ်အောင်ဆန်းစုကြည်ကို ဒီနေ့မှာပဲ ထောင်ဒဏ် ၁၅ နှစ်ထိ ချလို့ရတဲ့ အဂတိပုဒ်မ ၅၅ နဲ့ တရားစွဲလိုက်တယ်လို့ သိရပါတယ်။
ဒီလိုအမှုဖွင့်တာဟာ ဒေါ်အောင်ဆန်းစုကြည် နေမကောင်းလို့ တရားခွင်ကိုမလာရောက်နိုင်တဲ့ နေ့နဲ့လည်းတိုက်ဆိုင်နေတာတွေ့ရပါတယ်။
စစ်ကောင်စီဟာ အာဏာသိမ်းပြီးတဲ့နောက် ဒေါ်အောင်ဆန်းစုကြည်ကိုဒါဇင်နဲ့ချီတဲ့ ပုဒ်မမျိုးစုံနဲ့စွပ်စွဲကာ တရားစွဲဆိုထားတာပဲဖြစ်ပါတယ်။
