နယ်မြေစိုးမိုးရေးလုပ်ငန်းများလုပ်ဆောင်စဥ် စစ်ကောင်စီလက်အောက်ခံ ရဲတပ်သားတစ်ဦးကို အရှင်ဖမ်းမိခဲ့ကြောင်း ပြည်သူ့ကာကွယ်ရေးတပ် Peal Jokersအဖွဲ့က ယနေ့(ဖေဖော်ဝါရီ ၅) ထုတ်ပြန်သည်။
Peal Jokers အဖွဲ့ခွဲ(၁)မှ ဗိုလ်မဲလုံးဦးဆောင်သောအဖွဲ့က ပုလဲ-ဂန့်ဂေါလမ်းပိုင်းတွင်း နယ် မြေရှင်းလင်းရေးပြုလုပ်စဥ် ဖမ်းဆီးရမိခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
ဖမ်းဆီးရမိထားသည့် စစ်ကောင်စီတပ်ရဲသား မျိုးသီဟထွန်း(ကိုယ်ပိုင်အမှတ် – လ၂၈၄၆၀၉) သည် ယခင်က ရန်ကုန်တိုင်းတွင် တာဝန်ထမ်းဆောင်ခဲ့သူဖြစ်ပြီး လက်ရှိတွင် နေပြည်တော်၌ တာဝန်ကျနေကြောင်း အဖမ်းခံရသူ ရဲတပ်သားက Pale Jokers အဖွဲ့၏ မေးမြန်းမှုကို ဖြေကြားထားသည်။
စစ်ကိုင်းတိုင်း ပုလဲမြို့နယ်အတွင်း စစ်ကောင်စီလက်အောက်ခံ စစ်သား၊ ရဲနှင့် ပျူစောထီးပူးပေါင်းအဖွဲ့များက ကျေးရွာများသို့ ဝင်ရောက်စီးနင်းကာ ဖမ်းဆီးသတ်ဖြတ်မှုများ ကျူးလွန်လျက်ရှိသည်။
Public Service Announcement
ထိုသို့ကျူးလွန်မှုများကို ယခုရက်ပိုင်းအတွင်း ခပ်စိပ်စိပ်ပြုလုပ်လျက်ရှိရာ ဖေဖော်ဝါရီ ၃ ရက်၊ ၄ ရက်နှင့် ၅ ရက်တို့တွင် မင်းတိုင်ပင်၊ ကိုင်းတွင်းကြီးနှင့် လှော်ကားကျေးရွားများတွင် နေအိမ်များ မီးရှို့ဖျက်ဆီးခြင်း၊ ပစ္စည်းများဖောက်ထွင်းခိုးယူခြင်း၊ ဖမ်းဆီးသတ်ဖြတ်ခြင်းများ လုပ်ဆောင်ခဲ့ကြသည်။
