● လက်နက်အင်အားမမျှသဖြင့် ကျဆုံးမှုများခဲ့ခြင်းဖြစ်၍ လက်နက်တပ်ဆင်ရေးဝိုင်းဝန်းကူညီကြရန်တောင်းဆို
ကန့်ဘလူမြို့ နယ်၊ကိုးတောင်ဘို့ကျေးရွာ တိုက်ပွဲတွင် လက်နက်အင်အားမမျှ၍ ပြည်သူ့ကာကွယ်ရေးအဖွဲ့ဝင်လူငယ် ၁၃ဦးထက်မနည်းကျဆုံးခဲ့ရပြီး လက်
နက်အမြန်ဆုံးတပ်ဆင်နိုင်ရန်အတွက်ကူညီကြပေးရန် ကိုးတောင်ဘို့ပြည်သူ့ကာကွယ်ရေးအဖွဲ့များက တောင်းဆိုသည်။
အကြမ်းဖက်စစ်ကောင်စီသည် ကိုးတောင်ဘို့တိုက်နယ် ကိုးတောင်ဘို့ကျေးရွာအုပ်စုကို ဖေဖော်ဝါရီ ၂ ရက်က စတင်တပ်စွဲကာအကြမ်းဖက်ပြီး လက်နက်ကြီးများဖြင့်ပစ်ခတ်ခဲ့သည်။ထို့နောက် ဖေဖော်ဝါရီ ၄ရက်တွင် လက်လုပ်သေနတ်များအဓိကကိုင်ဆောင်ထားသော ဒေသခံ ပြည်သူ့ကာကွယ်ရေးတပ်ဖွဲ့နှင့်တိုက်ပွဲအပြင်းအထန်ဖြစ်ပွားခဲ့ပြီးစစ်ကောင်စီတပ်က လက်နက်ကြီးများအသုံးပြုပစ်ခတ်တိုက်ခိုက်သည်။ စစ်ကောင်စီဘက်က ထိခိုက်မှုကို မသိ့ရှိရသေးသော်လည်း ၍ ပြည်သူ့ကာကွယ်ရေးအဖွဲ့ဝင်လူငယ် ၁၃ဦးကျဆုံးခဲ့ရသည်ဟုပြည်သူ့ကာကွယ်ရေးအဖွဲ့များက ထုတ်ပြန်သည်။
” ငါတို့ကိုလက်နက်တပ်ဆင်ပေးကြပါ။ ငါတို့မှာတော်လှန်ချင်တဲ့စိတ်ဓာတ်ရှိတယ်။ငါတို့မှာလက်နက်မရှိဘူး။ငါတို့မှာလူအင်အားရှိတယ်။ လက်နက်ဝယ်ဖို့ငွေအားမရှိဘူး။ငါတို့မှာခွန်အားတွေရှိတယ်။ တိုက်ပွဲဝင်ဖို့စစ်ပညာမရှိဘူး။ငါတို့မှာသတ္တိတွေရှိတယ်။ တိုက်ပွဲဝင်ဖို့ဗျူဟာမရှိဘူး။ဒါပေမယ့် ငါတို့အရှုံးမပေးပါဘူး”ဟု ကိုးတောင်ဘို့ ပြည်သူ့ကာကွယ်ရေးအဖွဲ့၏ သတင်းများကို ဖော်ပြပေးနေသည့် Kotaungbo Revolution – KR-Team ကရေးသားထားသည်။
“ကျွန်တော်တို့ဘက်က ကျဆုံးမှုများသွားတယ်။ အဓိကကတော့ လက်နက်အင်အား မမျှတာပဲဗျာ”ဟု ကန့်ဘလူအခြေစိုက် ပြည်သူ့ကာကွယ်ရေးအဖွဲ့ဝင်တစ်ဦးကပြောသည်။
ပြည်သူ့ကာကွယ်ရေးအဖွဲ့ဝင် လူငယ်များ ကျဆုံးခဲ့ရသည့်အပေါ် အလွန်ဝမ်းနည်းရပြီး လက်နက်တပ်ဆင်ပေးရန်နှင့် လှူဒါန်းပေးကြရန် ကန့်ဘလူဒေသခံများက တိုက်တွန်းသည်။
ယမန်နေ့က တိုက်ပွဲတွင်ကျဆုံးသွားသောလူငယ်များမှာ ကောလင်း PDFမှ တပ်ဖွဲ့ဝင်များဖြစ်ကြောင်း မီဒီယာအချို့တွင် ဖော်ပြခဲ့သဖြင့် ကောလင်းပြည်သူ့ကာ
ကွယ်ရေးအဖွဲ့ကလည်း ကျဆုံးသွားသောလူငယ်များမှာ ကိုးထောင်ဘို့ ရွာမှ PDF ရဲဘော်များဖြစ်ကြောင်း ယနေ့ထုတ်ပြန်သည်။
“တိုက်ပွဲမှာကျဆုံးခဲ့ရတဲ့ရဲဘော်တွေဟာ
KLPDF(ကောလင်း) မှရဲဘော်များမဟုတ်ပါဘူးခင်ဗျာ။ကန့်ဘလူခရိုင် ကန့်ဘလူမြို့ ကိုးတောင်ဘို့တိုက်နယ်မှ ပကဖ ရဲဘော် သူရဲကောင်းများဖြစ်ပါတယ်။
ကျဆုံးစာရင်းဟာလိုင်းပေါ်တင်ထားတဲ့ (၁၃)ဦးထက်အနည်းငယ်ပိုနိုင်ပါသေးတယ်လို့သိရပါတယ်။လက်နက်ချင်းမမျှတာတောင် သည်လိုတော်လှန်နေကြတဲ့ရဲဘော်တွေကို လေးစားဦးညွှတ်ပါတယ်။ရဲဘော်တို့ ခင်ဗျား တို့သိပ်ကို ရဲရင့်ခဲ့ပါတယ် ငြိမ်ချမ်းရာမှာအနားယူပါတော့။ခင်ဗျားတို့အတွက် ကျုပ်တို့တွေ ရဲရင့်ရမယ်”ဟု Kawlin Revolution-KR က ထုတ်ပြန်ထားသည်။
တိုက်ပွဲတွင်ကျဆုံးခဲ့သော ရဲဘော်များအနက် The Secret Warrior Kawlin မှ ရဲ ဘော်တစ်ဦးပါရှိသောကြောင့် အမိန့်ပြန်တမ်းစာကို ယနေ့ ထုတ်ပြန်ခဲ့သည်။
“ရဲဘာ် ခင်ဗျားဟာ သိပ်ရဲရင့်ခဲ့တယ်။သိပ် လည်း သတ္တိရှိခဲ့တယ် ခင်ဗျားဟာကျုပ်တို့နဲ့တစ်သွေးထဲတစ်သားထဲရပ်တည်ခဲ့တယ်။ကျုပ်တို့ Secret Warrior ရဲ့ရဲရင့်တဲ့ တပ်သားအဖြစ်ပြည်သူအတွက်ရဲဝံ့စွာရပ်တည်ခဲ့ပြီးနယ်စည်းမခြားပဲသွေးချင်းရဲရဲနီကြောင်း စွမ်းဆောင်ပြခဲ့တယ်။4.2.2022ရက်နေ့တွင်ကိုးတောင်ဘို့ တိုက်ပွဲမှာ ရဲဘော်ဟာ ရဲရင့်စွာ အသက်ကိုပေးလှူခဲ့ပြီးဖြစ်တယ်ရဲဘော်ငြိမ်းချမ်းစွာအနားယူပါThe Secret Warrior Kawlin မှခင်ဗျားကိုတာဝန်ကနေရပ်စဲကြောင်း အမိန့်ပြန်လိုက်ပါတယ်ခင်ဗျားရဲ့ မပြီးပြတ်နိုင်ခဲ့တဲ့ ရည်မှန်းချက်တွေကိုကျုပ်တို့ Secret Warrior မှဆက်လက်ဆောင်ရွက်သွားပါမည်ဟု ကတိပြုလိုက်ပါသည်”ဟူ၍ ဖော်ပြထားသည်။
အကြမ်းဖက်စစ်ကောင်စီတပ်သည် ၆၀ မမ ကဲ့သို့ လက်နက် ကြီးအများအ ပြား တိုက်ပွဲ အတွင်းအသုံးပြုခဲ့သည့်အတွက် ကိုးတောင်ဘို့ရွာနေပြည်သူ အချို့လည်း သေဆုံးထိ့ခိုက်ခဲ့သည်ဟု သတင်းထွက်ပေါ်နေသော်လည်း လူထုနွေဦးမှသီးခြား အတည်မပြုနိုင်သေးပေ။
အကြမ်းဖက်စစ်ကောင်စီတပ်ဖွဲ့သည် ယနေ့( ဖေဖော်ဝါရီ ၅ရက်)လည်း
ကိုးတောင်ဘို့ရွာမဘုန်းကြီးကျောင်းဝင်းအတွင်း တပ်စွဲထားဆဲဖြစ်ပြီး အနီးဝန်းကျင်ကျေးရွာများကို စစ်ကြောင်းထိုးနေသည်ဟု ပြည်သူ့ကာကွယ်ရေးအဖွဲ့များက သတိပေး ထားသည်။