“အဲဒါ ကျွန်တော်လည်း တွေ့လိုက်တယ်။ ၂၈တွဲလို့ပြောတယ်။ အဲဒါက ကျွန်တော်တို့ သိရတာက အကြောင်းအမျိုးမျိုးနဲ့ အိမ်ထောင်စပြုတဲ့အခါမှာ သူ့ရဲ့ လုပ်သင့်လုပ်ထိုက်တဲ့ ထိန်းမြားမင်္ဂလာ ဆိုတာ ရိုးရာမှာလည်းရှိတယ်။ အဲဒါမျိုး မလုပ်နိုင်ခဲ့တဲ့အခါကျတော့ သားသမီးတွေလည်းရပြီ ဘာသာရေးအရ အဲဒီလိုမျိုးဆက်နေလို့လည်းမကောင်းဘူး အဲဒီအခါကျတော့ ဘာသာရေးဘက်က အဲဒီလိုမျိုး အိမ်ထောင်တွေကို အားလုံးစုပြီးတော့မှ လုပ်ပေးတာပေါ့”ဟု ၎င်းက ရှင်းပြသည်။
ငွေကြေးအခက်အခဲအရဖြစ်စေ၊ လူမှုရေးကိစ္စအပါ အဝင် အခြေအနေအကြောင်းအမျိုးမျိုးကြောင့်ဘာသာရေးအရ၊ ရိုးရာအရ ထိန်းမြားမင်္ဂလာ မပြု လုပ်ရသေးသည့် စုံတွဲများကို ရပ်ကွက်သို့မဟုတ် သာသနာပိုင်နယ်မြေ၌ရှိသည့် အခြေအနေအပေါ်မူတည်၍ ယခုကဲ့သို့ စုပေါင်းထိန်းမြားမင်္ဂလာကို နှစ်တိုင်းလုပ်ဆောင်လေ့ရှိသည်ဟု ဒေသခံက ပြောသည်။