ရန်ကုန်မြို့ ဒေါပုံမြို့နယ် နွယ်အေးရပ်ကွက်ရှိ နေအိမ်တိုက်ခန်းတစ်ခုတွင် အနုကြမ်းစီးမှုဖြစ်ပွားခဲ့ကြောင်း ဒေသခံများက ပြောသည်။
ယနေ့(ဖေဖော်ဝါရီ ၁၅)နံနက် ၁၀ နာရီခွဲခန့်က နွယ်အေးရပ်ကွက်၊ ယုဇန(၁)လမ်းရှိ တိုက်ခန်းတစ်ခန်းသို့ အမျိုးသားတစ်ဦးရောက်ရှိလာကာ တံခါးခေါက်ပြီး ရေတောင်းသောက်သဖြင့် တိုက်ခန်းတံခါးဖွင့်ပေးစဥ် အနုကြမ်းစီးခံရခြင်းဖြစ်ကြောင်း ဒေသခံများက ပြောသည်။
“သူခိုးက အရင် ရေတောင်းသောက်လို့ တံခါးဖွင့်ပေးလိုက်ရာမှ ဖြစ်သွားတာပါ။ သူခိုးက ပိုက်ဆံငါးသောင်းနဲ့ နားကပ်တစ်ဖက်တောင်းတာ မပေးလို့ မျက်ခွံကို ဓားနဲ့မွှမ်းပြီး နားရွက်ဖြတ်သွားပါတယ်”ဟု ဒေါပုံမြို့ခံတစ်ဦးက ပြော သည်။
ထိုသို့ဖြစ်ပွားစဥ် ပတ်ဝန်းကျင်အား အော်ဟစ်အကူအညီတောင်းသောကြောင့် ရပ်ကွက်နေပြည်သူများက ဝိုင်းဝန်းဖမ်းစီးစဥ် သူခိုးအားမမိဘဲ ၎င်းနှင့် အဖော်လိုက်ပါလာသူတစ်ဦးကို ဖမ်းမိခဲ့ကြောင်း အထက်ပါမြို့ခံက ဆက်ပြောသည်။
Public Service Announcement
သူခိုးလက်ချက်ဖြင့် ဓားဒဏ်ရာများရရှိခဲ့သော အိမ်ရှင်အမျိုးသမီးကြီးကို ရပ်ကွက်နေပြည်သူများအကူအညီဖြင့် ဆေးရုံသို့ပို့ဆောင်လိုက်ကြောင်း သိရသည်။
အထက်ပါ အိမ်ရှင်အမျိုးသမီးကြီးမှာ နေအိမ်တိုက်ခန်း၌ တစ်ဦးတည်းရှိနေစဥ် ယခုကဲ့သို့ အနုကြမ်းစီးကာ အကြမ်းဖက်ခံရခြင်းဖြစ်ကြောင်း ဒေသခံများက ဆိုသည်။
