ပုလဲနယ်ရှိ ပြည်သူပိုင်ပစ္စည်းများ အဓမ္မယူဆောင်ခဲ့သည့် စစ်ကောင်စီနှင့်ပျူစောထီးများကို တိုက်ခိုက်ရာ ၄၀ခန့်သေဟု MRDAထုတ်ပြန်

စစ်ကိုင်းတိုင် ပုလဲမြို့နယ်အတွင်းရှိ အကြမ်းဖက်စစ်ကောင်စီနှင့် ပျူစောထီးများရှိရာ အခြေစိုက်စခန်းအား ဖေဖော်ဝါရီ ၁၄ရက် ညသန်းခေါင်အချိန်က ဝင်ရောက်တိုက်ခိုက်ခဲ့ရာ အကြမ်းဖက်စစ်ကောင်စီနှင့် ပျူစောထီးစုစုပေါင်း ၄၀ခန့်သေဆုံးခဲ့သည်ဟု မြန်မာ့တော်ဝင်နဂါးတပ်မတော်(MRDA)က ထုတ်ပြန်သည်။

အဆိုပါ တိုက်ခိုက်မှုကို မြန်မာ့တော်ဝင်နဂါးတပ်တော်၏ နဂါးစစ်သည်များနှင့် မြင်းခြံ Zero ​ပြောက်ကျားတပ်ဖွဲ့တို့ ပူးပေါင်းဆောင်ရွက်ခဲ့သည်ဟု ဖော်ပြသည်။

အဆိုပါ စစ်ကောင်စီ အကြမ်းဖက်တပ်ဖွဲ့ဝင်များနှင့် နောက်လိုက် ပျူစောထီးများသည် ၂၀၂၂ ဖေဖော်ဝါရီအတွင်းက ပုလဲမြို့နယ်အတွင်းရှိ ယင်းတို့နှင့် နီးစပ်ရာ ကျေးရွာများရှိ စျေးဆိုင်များ၊ အိမ်များကို ဖျက်စီးဖောက်ထွင်း၍ ပြည်သူ့ပစ္စည်းများကို ကားများဖြင့်တင်၍ယူဆောင်နေသော အဖွဲ့အစည်းဖြစ်သည်ဟု MRDAက ဆိုသည်။

၎င်းအပြင် ပြည်သူ့အိုးအိမ်စည်းစိမ်များကို ဖျက်စီးခြင်း၊ လိင်အကြမ်းဖက်မှုများကို ပြောင်ပြောင်တင်းတင်း ကျူးလွန်ခြင်းပြုနေသော အကြမ်းဖက်အဖွဲ့အစည်းဖြစ်သည်ဟုလည်း ထုတ်ပြန်သည်။

Public Service Announcement

ပြည်သူတို့၏ အသက်အိုးအိမ်စည်းစိမ်နှင့် ပြည်သူတို့၏ အရှက်သိက္ခာကို ကာကွယ်နိုင်ရန်အတွက် မြန်မာ့တော်ဝင်နဂါးတပ်တော်မှ အစွမ်းကုန်ကြိုးစားသွားမည်ဟုလည်း ဖော်ပြထားသည်။