မကွေးတိုင်း၊ပေါက်မြို့နယ် ရေပြာရဲစခန်းကို ပြည်သူ့ကာကွယ်ရေးတပ်များဝင်ရောက်တိုက် ခိုက်ရာ စခန်းမှူးအပါအဝင် ငါးဦး သေဆုံးကြောင်း မြိုင်မြို့နယ် ပြည်သူကာကွယ်ရေး တပ်ဖွဲ့မှ ဗိုလ် Cross က လူထုနွေဦးသို့ ပြောသည်။
ယနေ့(ဖေဖော်ဝါရီ ၂၃ ရက်) ညနေ့ ( ၄) နာရီ ခန့်က ရေပြာရဲစခန်းကို မြိုင်မြို့နယ်ပြည်သူကာ ကွယ်ရေးတပ်ဖွဲ့ ၊ရေစကြိုမြို့နယ်ပြည်သူကာ ကွယ်ရေးတပ်ဖွဲ့ နှင့် ပေါက်မြို့နယ်ပြည်သူကာကွယ်ရေးတပ်ဖွဲ့ မဟာမိတ် ( ၃) မြို့နယ် ပ.က.ဖများပူးပေါင်း၍( ၄၅) မိနစ်ကြာ တိုက်ခိုက်ခဲ့သည်။
“အရင်တခေါက်ကလို တော့ စခန်းကို မသိမ်းလိုက်နိုင်ဘူး။ဒါပေမယ့် စခန်း အရှေ့မှာတင် သူတင် ကိုယ်တင် ချခဲ့တာ။ကျွန်တော်တို့ ဘက်က ရဲဘော်နှစ်ဦး ထိခိုက်ဒဏ်ရာရတယ်။မစိုးရိမ်ရဘူး။အားလုံး လုံခြုံတဲ့ နေရာ ကို ပြန်ရောက်ပါပြီ”ဟု ဗိုလ် Cross က People’s Spring သို့ပြောသည်။
ဇန်နဝါရီ ၂၉ ရက်ကလည်း မြိုင်မြို့နယ်ရှိ လင်းကတောနယ်မြေရဲစခန်းကို မြိုင်မြို့နယ် PDF၊ဆားလင်းကြီး PDFနှင့် ရေစကြိုမြို့နယ် PDF တို့ ပူးပေါင်းတိုက်ခိုက်ခဲ့ပြီး သိမ်းဆည်းနိုင်ခဲ့သည်။
Public Service Announcement
ထိုတိုက်ပွဲတွင်မူ အကြမ်းဖက်စစ်ကောင်စီလက်အောက်ခံရဲများက မီသားစုဝင်များနှင့် လက်နက်များကို ထား၍ထွက်ပြေးသွားကြသဖြင့် ဂျီသရီး ၅လက် ၊အူစီ ၃ လက်နှင့်ကျည် အများအပြားသိမ်းဆည်းရမိခဲ့သည်။
