ဒီပဲယင်းမြို့နယ် ဂွေးပင်ကုန်းကျေးရွာရှိ ပြည်သူသုံးဦးကို စစ်ကောင်စီတပ်က ဖမ်းဆီးသွားပြီး တစ်ဦးကို ရိုက်သတ်ကာ လမ်းဘေးတွင် စွန့်ပစ်သွားကြောင်း Free Rangers-Depeyin အဖွဲ့က ယနေ့(ဖေဖော်ဝါရီ ၂၄) ထုတ်ပြန်သည်။
ယနေ့နံနက် ၃ နာရီခွဲ့ခန့်တွင် ဒီပဲယင်းမြို့နယ် စိုင်ပြင်ကြီးနှင့် တစ်မိုင်ခန့်အကွာရှိ ဂွေးပင်ကုန်းရွာသို့ စစ်ကောင်စီတပ်များ ဝင်ရောက်သောင်းကျန်းခဲ့ကြကြောင်း ထုတ်ပြန်ချက်တွင် ဖော်ပြသည်။
ထိုသို့ဝင်ရောက်စဥ် ဒေသခံပြည်သူ ၂၀ ဦးခန့်ကို ဖမ်းဆီးစစ်ဆေးမှုများပြုလုပ်ပြီးနောက် ကျန်ကြည်သူများအား ပြန်လွှတ်ကာ သုံးဦးကို စိုင်ပြင်သို့ ဖမ်းဆီးခေါ်ဆောင် သွားခဲ့ကြောင်း ထုတ်ပြန်ချက်တွင် ပါရှိသည်။
“သုံးဦးဖမ်းခေါ်သွားတာမှာ တစ်ဦးကို စိုင်ပြင်မီးသတ်နား လမ်းဘေးတင် ရိုက်သတ်ပြီး ပစ် ထားခဲ့တယ်။ သေနတ်ကျည်ရာတော့ မတွေ့ရဘူး”ဟု Free Rangers -Depeyin မှ ရဲဘော်တစ်ဦးက ပြောသည်။
Public Service Announcement
အကြမ်းဖက်စစ်ကောင်စီတပ်များသည် ပြည်သူသုံးဦးကိုဖမ်းဆီးပြီး တစ်ဦးကိုသတ်ဖြတ်ခဲ့သည့်အပြင် ဂွေးပင်ကုန်းရွာမှ ပြည်သူပိုင်ဆိုင်ကယ်သုံးစီးကိုလည်း မီးရှို့ဖျက်ဆီးသွားကြောင်း သိရသည်။
