စစ်ကိုင်းတိုင်း ယင်းမာပင်မြို့နယ် ချင်းပုန်းရွာသို့ ဖေဖော်ဝါရီ ၂၆ရက်က ရဟတ်ယာဉ်များဖြင့် တိုက်ခိုက်စီးနင်းခဲ့သည့် အကြမ်းဖက်စစ်ကောင်စီတပ်ဖွဲ့ဝင်များက ဒေသခံ ပြည်သူများ ပိုင်ဆိုင်သည့် ကားလေးစီးနှင့် ဆိုင်ကယ် ၆၀ကျော်ကို မီးရှို့ဖျက်ဆီးခဲ့သည်ဟု ယင်းမာပင်ဒေသခံတစ်ဦးက ပြောသည်။
ထို့အပြင် ဝင်ရောက်စီးနင်းစဉ် ပစ်ခတ်တိုက်ခိုက်မှုများကြောင့်ဒေသခံ ၉ဦးထက်မနည်းသေဆုံးခဲ့သည်ဟု ဒေသခံက ပြောသည်။
စစ်ကောင်စီတပ်သည် အဆိုပါ ကျေးရွာတွင် ပြည်သူ့ကာကွယ်ရေးတပ် PDF သတင်းဆင်းပွဲရှိသည်ဟုဆိုကာ ရဟတ်ယာဉ်များအသုံးပြုတိုက်ခိုက်လာခြင်းဖြစ်ပြီး ထိုသို့ တိုက်ခိုက်မှုကြောင့် ရွာခံများ ထွက်ပြေးတိမ်း ရှောင်ခဲ့ကြရသည်။ ထိုသို့ တိမ်းရှောင်စဉ် မူကြိုကျောင်း ၌ ကျန်နေသည့် ကလေးငယ် ၈၀ကျော်နှင့် ဆရာမများကိုလည်း စစ်ကောင်စီက ဓားစာခံအဖြစ် ထိန်းသိမ်းကာ ဖေဖော်ဝါရီ ၂၈ရက်နံနက်အထိ တပ်စွဲနေထိုင်ကာ ယခုကဲ့သို့ ပြည်သူပိုင်ပစ္စည်းများကို ဖျက်ဆီးခဲ့ကြခြင်းဖြစ်သည်။
စစ်ကောင်စီတပ်သည် ယနေ့တွင်လည်း ယင်းမာပင်မြို့နယ် သပြေအေးရွာကို မီးရှို့ ဖျက်ဆီးခဲ့ဟု ဒေသခံက ပြောသည်။
Public Service Announcement
