ကုလသမဂ္ဂဆိုင်ရာ မြန်မာသံအမတ်ကြီးဦးကျော်မိုးထွန်းသည် အာရှ-ပစိဖိတ် အုပ်စု၏ အလှည့် ကျဥက္ကဋ္ဌတာဝန် ၁လတာကို အောင်မြင်စွာတာဝန် ယူဆောင်ရွက်ခဲ့ကြောင်း မတ်လ ၁ရက်တွင် သတင်းထုတ်ပြန်သည်။
အဖွဲ့ဝင် ၅၄ နိုင်ငံပါဝင်သော အာရှ-ပစိဖိတ်အုပ်စု၏ အလှည့်ကျဥက္ကဋ္ဌရာထူးကို ဖေဖော်ဝါရီ ၁ မှ ၂၈ အထိ ၁ လတာထမ်းဆောင်းခဲ့ရခြင်းဖြစ်ပြီး ယင်းတာဝန်ကို အဖွဲ့ဝင်နိုင်ငံများ၏အမည် အက္ခရာစဉ်အလိုက် လစဉ်အလှည့်ကျ လွှဲပြောင်း ထမ်းဆောင်ရခြင်းဖြစ်သည်။
“ဖေဖော်ဝါရီလ တစ်လတာအတွက် အာရှ-ပစိဖိတ်အုပ်စု၏ အလှည့်ကျဥက္ကဋ္ဌ တာဝန်ကို အောင်မြင်စွာ ဆောင်ရွက်ခဲ့ပါ ကြောင်းနှင့် ပူးပေါင်းဆောင်ရွက်ပေးကြသည့် အာရှ-ပစိဖိတ်အုပ်စု၏ အဖွဲ့ဝင်နိုင်ငံ အားလုံးကိုလည်း ကျေးဇူးတင်ရှိပါကြောင်း ဖော်ပြအပ်ပါသည်” ဟု နယူးယောက်မြို့ရှိ ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် အဖွဲ့ရုံးက ထုတ်ပြန်သည်။
ယင်းသို့ သံအမတ်ကြီး ဦးကျော်မိုးထွန်းတာဝန်ယူစဉ် ကာလအတွင်း ဖေဖော်ဝါရီ ၂၄ ရက်တွင် ကျွမ်းကျင်သူများအဆင့် အစည်းအဝေးတစ်ရပ်ကိုလည်းကောင်း၊ ဖေဖော်ဝါရီ ၂၈ ရက်တွင် အာရှ-ပစိဖိတ် အုပ်စု၏ လစဉ်အစည်းအဝေးကိုလည်းကောင်း သဘာပတိအဖြစ် ဆောင်ရွက်ခဲ့ ကြောင်း ထုတ်ပြန်ချက်၌ ဖော်ပြသည်။
Public Service Announcement
