'/%3E%3C/svg%3E){kind=small}
မန္တလေးတိုင်း၊ ကျောက်ဆည်မြို့တွင် အကြမ်းဖက်စစ်ကောင်စီတပ်စွဲထားသော ခရိုင် အထွေထွေအုပ်ချုပ်ရေးမှူးရုံးအား လက်ပစ်ဗုံးပစ်၍ တိုက်ခိုက်ခဲ့ကြောင်း ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)မှ တာဝန်ရှိသူက အတည်ပြုပြောကြားသည်။
ယနေ့ (မတ်လ ၃ ရက်)နံနက် ၁၀ နာရီ ၃၅မိနစ်အချိန်က စစ်ကောင်စီတပ် အခိုင်အမာတပ်စွဲထားသော ကျောက်ဆည်ခရိုင်ထွေအုပ်ရုံးအားလက်ပစ်ဗုံး(၂) လုံးပစ်သွင်း၍တိုက်ခိုက်ခဲ့ခြင်းဖြစ်ကြောင်း ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)က ထုတ်ပြန်သည်။
“သူတို့ဘက်က ပြန်ပစ်လာတာကြောင့်သတင်းမစောင့်တော့ဘဲ ပြန်ဆုတ်လာခဲ့တယ်ခင်ဗျ။ ထိခိုက်မှုတော့မသိရသေးဘူး။တပ်ဖွဲ့ဝင်တွေဘေးကင်းကင်းနဲ့ပြန်ရောက်နေပါပြီ။”ဟု K.D.D.Fမှတာဝန်ရှိသူက ဆက်ပြောသည်။
ကျောက်ဆည်ခရိုင်ကာကွယ်ရေးတပ်ဖွဲ့(K.D.D.F)သည် အကြမ်းဖက်စစ်ကောင်စီတပ်အား ခုခံတိုက်ခိုက်နေသည့် အဖွဲ့တစ်ခုဖြစ်ပြီး မတ်လ ၂ ရက် နံနက်၆နာရီအချိန်တွင် စဥ့်ကိုင်မြို့နယ်၊ မြောက်ကျောက်မိုင်းကျေးရွာ အနောက်ဘက်ရှိ အကြမ်းဖက်စစ်ကောင်စီတပ်၏ ဝင်ငွေရလမ်းကြောင်းဖြစ်သော Mytel တာဝါတိုင်အတွင်းရှိ စက်သုံးလုံးအား မိုင်းအကြီး(၃)လုံး ဖောက်ခွဲတိုက်ခိုက်ခဲ့သေးသည်။
Public Service Announcement
