မကွေးတိုင်း ပခုက္ကူမြို့တွင် ကျောင်းသားလေးဦးနှင့် ပြည်သူတစ်ဦးကို အကြမ်းဖက်စစ်ကောင်စီတပ်၏ မတရားဖမ်းဆီးခြင်းကိုခံခဲ့ရကြောင်း ပခုက္ကူနည်ပညာတက္ကသိုလ် ကျောင်းသားများသမဂ္ဂက ယနေ့ (မတ် ၅)ထုတ်ပြန် သည်။
ယမန်နေ့(မတ် ၄)နေ့လယ်ပိုင်းက ပခုက္ကူမြို့ မြို့ရှောင်လမ်းစစ်ဆေးရေးဂိတ်ရှိ ပျူစောထီးနှင့် စစ်ကောင်စီတပ် ပူးပေါင်းအဖွဲ့က ဆိုင်ကယ်စီးလာသော ကိုလင်းဆက်အောင်နှင့် လူငယ်တစ်ဦးကို တားဆီးစစ်ဆေးကာ ဖမ်းဆီးခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြ သည်။
ထို့နောက် ကိုလက်ဆက်အောင်၏ အခြားသူငယ်ချင်းနှစ်ဦးထံ ဟန်ဆောင်ဖုန်းဆက်ပြီး နေရာမေးရာ 7Stars စားဖွယ်စုံဆိုင်တွင် ရှိနေကြောင်းသိသွားပြီး ယင်းဆိုင်သို့ ဝင်ရောက်ဖမ်းဆီးသွားသည် ထုတ်ပြန်ချက်က ဆိုသည်။
စစ်အုပ်စုအနေဖြင့် အပြစ်မဲ့ပြည်သူများနှင့် ကျောင်းသားလူငယ်များအပေါ် နေ့စဥ်ရက်ဆက် မတရားဖမ်းဆီးခြင်း၊ သတ်ဖြတ်ခြင်းများကို ရည်ရွယ်ချက်ရှိရှိ ကျူးလွန်နေပြီး ကိုလင်းဆက်အောင်အပါအဝင် ဖမ်းဆီးခံရသူငါးဦးအား မည်သည့်နေရာတွင် ထားရှိသည်ကို မသိရသေးကြောင်း ထုတ်ပြန်ထားသည်။
Public Service Announcement
