မိုင်းမိ၍ သေဆုံးသွားသော ရဲတစ်ဦးအား သင်္ဂြိုလ်ရန် ရောက်လာသော စစ်သားနှင့် ရဲများအား မိုင်းခွဲတိုက်ခိုက်ခဲ့ကြောင်း ရေစကြို ပြည်သူ့ကာကွယ်ရေးတပ်ဖွဲ့က သတင်းထုတ်ပြန်သည်။
ယနေ့(မတ်လ ၁၀ရက်) ညနေပိုင်း၌ ရေစကြိုသင်္ချိုင်းအနီးတွင် မိုင်း သုံးလုံးခွဲ၍ တိုက်ခိုက်ခဲ့ရာ စစ်ကောင်စီတပ်ဖွဲ့ဝင်သုံးဦး ထပ်မံသေဆုံးပြီး အများအပြားထိခိုက်ဒဏ်ရာရရှိခဲ့ကြောင်း ဖော်ပြထားသည်။
အများပြည်သူများအနေဖြင့် စစ်ကောင်စီလက်အောက်ခံ စစ်သားများ၊ ရဲများနှင့် အဆက်အဆံမလုပ်ကြရန်နှင့် နီးကပ်စွာ မနေကြရန် သတိပေးထားပြီးဖြစ်ကြောင်း၊ စစ်သားနှင့် ရဲများ၏ အသုဘများကိုလည်း လိုက်မပို့ရန် ထပ်မံသတိပေးကြောင်း ရေစကြို PDFက ထုတ်ပြန် သည်။