'/%3E%3C/svg%3E){kind=small}
ပြီးခဲ့တဲ့နှစ်မေလအတွင်းက ဖမ်းဆီးခံလိုက်ရတဲ့ ထားဝယ်မြို့ က တက်ကြွလှုပ်ရှားသူ အသက် ၂၀ အရွယ် ကိုဟိန်းလွင်ထူး ကို ထားဝယ်ထောင်တွင်းတရားရုံးက အလုပ်နဲ့ထောင်ဒဏ် ၂၈ နှစ်အမိန့်ချလိုက်ပါတယ်။
ဒါဟာ နွေဦးတော်လှန်ရေးအတွင်း ထားဝယ်မှာဖမ်းခံရပြီး ထောင်ချခံထားရသူတွေထဲမှာ အမြင့်ဆုံးချလိုက်တဲ့ထောင်ဒဏ်လည်းဖြစ်တယ်လို့ ထားဝယ်နိုင်ငံရေးအကျဉ်းသားများကွန်ရက်က ဖော်ပြထားပါတယ်။
ကိုဟိန်းလွင်ထူးကို မတည်မငြိမ်ဖြစ်အောင်လှုံဆော်မှု ၊ပေါက်ကွဲမှု ပုဒ်မတွေနဲ့ ထောင်ချတာဖြစ်ပါတယ်။
ကိုဟိန်းလွင်ထူးဟာ ပြီးခဲ့တဲ့ နှစ် မေလ အတွင်းက ထားဝယ် ၊ ဘုမ္မော်ရပ်ကွက်က သပိတ်စစ်ကြောင်းတစ်ခုမှာ ပစ်ခတ်ဖမ်းဆီးခံခဲ့ရတာပါ။
Public Service Announcement
ဖမ်းဆီးခံရချိန်မှာ ရာဘာကျည်နဲ့အနီးကပ်ပစ်ခံရတာကြောင့် လက်မောင်းနဲ့ခြေထောက်တွေ ဒဏ်ရာအပြင်းအထန်ရခဲ့တယ်လို့သိရပါတယ်။
ဒါအပြင်ထောင်တွင်းတရားရုံး မှာ တရားရင်ဆိုင်ရာမှာလည်းရှေ့နေမရှိပဲ တရားရင်ဆိုင်ခဲ့သူဖြစ်တယ်လို့ ထားဝယ်နိုင်ငံရေးအကျဉ်းသားများကွန်ရက်ကဆိုထားပါတယ်။
