အင်းစိန်ထောင်မှာမတရားဖမ်းဆီးခံထားရသူတွေထဲက အချို့ကို စစ်ကြောရေးကို ပြန်ခေါ်ကာ စစ်ဆေးမှုတွေကို စစ်ကောင်စီက ပြီးခဲ့တဲ့ရက်ပိုင်းအတွင်းက လုပ်ဆောင်ခဲ့တယ်လို့ သိရပါတယ်။
မတ်လ ၁၁ ရက် (သောကြာနေ့ )က အင်းစိန်ထောင်မှာ ဖမ်းဆီးခံထားရသူ ရှစ် ဦးကိုစစ်ကြောရေးပို့လိုက် တာရှိပါတယ်။
ဒါအပြင် ကျောင်းသားသမဂ္ဂအဖွဲ့ဝင်လူငယ်တွေဖြစ်တဲ့ ကိုဇော်ထက်နိုင် ၊ကိုလေပြေစိုးမိုး ၊ကိုသုတစိုးတို့အပါအဝင် လေးဦး ဟာလည်း အင်းစိန်ထောင် လူငယ်ဆောင်ကနေ ခေါ်ထုတ်ခံရပြီး ဘယ်နေရာကိုပို့ဆောင်လိုကတယ်ဆိုတာကို မသိရလို့ သူတို့ရဲ့အခြေအနေဟာ စိုးရိမ်ဖွယ်ရာဖြစ်တယ်လို့ ရန်ကုန်ပညာရေးတက္ကသိုလ်ကျောင်းသားများသမဂ္ဂ(ဗကသများအဖွဲ့ချုပ်) က ဒီနေ့မနက်အစောပိုင်းက ထုတ်ပြန်ထားပါတယ်။
စစ်ကောင်စီဟာ သူတို့ကိုဆန့်ကျင်သူတွေကိုမတရားဖမ်းဆီးချုပ်နှောင်ထားတဲ့အပြင် ပုဒ်မအသီးသီးနဲ့ စွဲဆိုကာ ထောင်ဒဏ်တွေချနေတာပါ။
ဒါအပြင် အကျဉ်းထောင်ထဲမှာလည်း နိုင်ငံရေးအကျဉ်းသားတွေကို ထောင်အာဏာပိုင်တွေက ရိုက်နှက်ညှင်းပန်းတာတွေလည်းရှိနေပါတယ်။